कांद्यावरील फुलकिडीचे व्यवस्थापन

कांदा पीक हे प्रामुख्याने खरीप, रब्बी हंगामात घेतले जाते. या पिकाच्या उत्तम वाढीसाठी १० ते २५ अंश सेल्सिअस तापमान आणि ७० ते ८० टक्के आर्द्रता पोषक असते. मात्र, दमट आणि ढगाळ हवामानामध्ये पिकावर प्रामुख्याने फुलकिडे, खोड कुरतडणारी अळी, वाळवी आणि हुमणी या किडींचा प्रादुर्भाव आढळतो. सध्या फुलकिड्याचा (थ्रिप्स) चा प्रादुर्भाव राज्यातील बहुतांश भागात आढळून येत आहे. या किडीच्या नियंत्रणासाठी वेळीच उपाययोजना करणे आवश्यक आहे. प्रामुख्याने रब्बी हंगामात फुलकिडे कांदा पिकाचे मोठ्या प्रमाणात नुकसान करतात. कोरडी हवा आणि पंचवीस ते तीस अंश सेल्सिअस तापमानात ही कीड झपाट्याने वाढते.

नियंत्रण उपाययोजना

तीव्र प्रादुर्भाव असल्यास रासायनिक नियंत्रण (फवारणी प्रतिलिटर पाणी) फिप्रोनिल (५ एस. सी.) २ मि.लि. किंवा लॅम्बडा सायहॅलोथ्रीन (५ ई.सी.) १ मि.लि. टीप : फवारणी करतेवेळी प्रतिलिटर द्रावणामध्ये १ मि.लि. उत्तम दर्जाच्या चिकट द्रव्य मिसळावे. डॉ. पी. आर. झंवर (सहयोगी प्राध्यापक), ७५८८१५१२४४ योगेश मात्रे (आचार्य पदवी विद्यार्थी), ७३८७५२१९५७ (कृषी कीटकशास्त्र विभाग, वसंतराव नाईक मराठवाडा कृषी विद्यापीठ परभणी.)