सध्याच्या काळात जमिनीतील ओलावा लक्षात घेऊन रब्बी ज्वारी अधिक करडई, जवस अधिक करडई, हरभरा अधिक मोहरी, सूर्यफूल अधिक करडई या आंतरपीक पद्धतीचा अवलंब करावा.
रब्बी हंगामात लागवडीचे नियोजन करताना नत्र स्थिरीकरणासाठी हरभरा पिकाचा समावेश आंतरपीक पद्धतीत करावा. पेरणीपूर्वी बियाण्यास बुरशीनाशक, जिवाणू संवर्धनाची प्रक्रिया करावी. माती परीक्षणानुसार एकात्मिक अन्नद्रव्ये व्यवस्थापन करावे. तेलवर्गीय व कडधान्य पिकांचा पीकपद्धती आणि आंतरपीक पद्धतीमध्ये समावेश करावा. अत्यल्प पावसावर येणारी रब्बीतील आंतरपीक पद्धती रब्बी ज्वारी आणि करडई
करडई आणि हरभरा
जवस आणि हरभरा
जिरायती आणि बागायती आंतरपीक पद्धती
| पिके | पेरणीच्या ओळीचे प्रमाण | जमीन | मुख्य पीक पेरणी अंतर (सें.मी.) |
| रब्बी ज्वारी आणि करडई | ६:३, ४:२ | मध्यम ते भारी | ४५ बाय १० |
| करडई अाणि हरभरा | २:४, ६:३, ३:३ | मध्यम ते भारी | ४५ बाय १० |
| हरभरा आणि सूर्यफूल | ३:३ | मध्यम ते भारी | ४५ बाय १० |
| जवस आणि हरभरा/करडई | ६:३, ४:२ | मध्यम ते भारी | ४५ बाय १० |
| गहू अाणि हरभरा | ३:१ | मध्यम ते भारी | २२.५ |
| गहू अाणि मोहरी | ६:३ | मध्यम ते भारी | २२.५ |
सुधारित आणि संकरित जाती
| रब्बी हंगामातील पिके | सुधारित/संकरित जाती |
| रब्बी ज्वारी | संकरित जाती ःसीसीएच – १५ आर, सीसीएच-१९ आर |
| रब्बी ज्वारी | सुधारित जाती ः परभणी मोती, परभणी ज्योती, पीकेव्ही क्रांती, फुले रेवती |
| हरभरा | बीडीएन ९-३, बीडीएनजी-७९७, फुले जी-१२, फुले जी-५, विजय, विशाल, दिग्विजय, फुले विक्रांत |
| करडई | पीबीएनएस-१२, पीबीएनएस-४०, नारी-६, शारदा, डीएसएच १२९ |
| जवस | लातूर जवस |
| गहू | मालविका, एचडी-४५०२, एनआयएडब्ल्यू-३०१ (त्र्यंबक), गोदावरी, तपोवन. |
| मोहरी | पुसा बोल्ड, सीता |
डॉ. वा. ना. नारखेडे, ७५८८०८२१८४, (वसंतराव नाईक मराठवाडा कृषी विद्यापीठ, परभणी) हरभरा आणि जवस (३ः३) आंतरपीक पद्धती हरभरा आणि सूर्यफूल (३ः३) आंतरपीक पद्धती
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.