प्रक्रिया प्रशिक्षणातून दुष्काळातही महिला झाल्या स्वावलंबी 

कृषी प्रदर्शनातील कृषी विज्ञान केंद्राच्या दालनास महिला व बालविकासमंत्री पंकजा मुंडे यांनी भेट दिली.
कृषी प्रदर्शनातील कृषी विज्ञान केंद्राच्या दालनास महिला व बालविकासमंत्री पंकजा मुंडे यांनी भेट दिली.

वसंतराव मराठवाडा कृषी विद्यापीठअंतर्गंत औरंगाबाद येथील कृषी विज्ञान केंद्रातर्फे (केव्हीके) गेल्या चार वर्षांत औरंगाबाद जिल्ह्यातील १४ हजार महिलांना शेतीवर आधारित विविध उद्योगांचे प्रशिक्षण देण्यात आले. यामुळे जिल्ह्यातील अनेक महिला स्वावलंबी झाल्या आहेत. महिला गृहउद्योगामुळे अनेक कुटुंबांना यंदाच्या दुष्काळी परिस्थितीतही आर्थिक उत्पन्नाचा आधार मिळाला आहे.  या संदर्भात कृषी विज्ञान केंद्राच्या प्रमुख प्रा. दीप्ती पाटगावकर म्हणाल्या की, केव्हीकेतील डाॅ. किशोर झाडे, डाॅ. अनिता जिंतूरकर, डाॅ. दर्शना भुजबळ, डाॅ. गीता यादव या तज्ज्ञांच्या मदतीने शेतमालावर आधारित प्रक्रिया माध्यमाचे प्रशिक्षण देण्यात येते. त्यातून शेतकरी तसेच अन्य महिलांना स्वावलंबी होण्यास मदत होते. यामध्ये फळे भाजीपाला, सोया प्रक्रिया, रेशीम शेती, शेळीपालन, कुक्कुटपालन, नैसर्गिक रंग निर्मिती, रोपवाटिका व्यवस्थापन, आवळा प्रक्रिया, परसबाग व्यवस्थापन, सेंद्रिय शेती, एकात्मिक पीक पद्धती आदी प्रशिक्षणाचा समावेश आहे. प्रत्येक प्रशिक्षणाचा कालावधीत ३ ते ७ दिवसांचा असतो. प्रति वर्षी सात ते आठ प्रशिक्षणांचे आयोजन करण्यात येते. कृषी पूरक व्यवसायामुळे महिला आर्थिकदृष्ट्या स्वालंबी झाल्या आहेत. त्यांच्यातील निर्णयक्षमता वाढली आहे. कृषी आधारित व्यवसायात उल्लेखनीय कामगिरी केल्याबद्दल जया साबदे, रेखा वाहटुरे, शारदा कागदे, सुलाबाई चरांडे, अनुष्का कुलकर्णी, अंजली कुलकर्णी यांचा विविध पुरस्काराने गौरव करण्यात आला आहे. महिला उद्योजिका मनीषा चव्हाण म्हणाल्या की, कृषी विज्ञान केंद्रातर्फे सोयाबीन, भाजीपाला प्रक्रिया, मसाले, लोणचे निर्मितीचे प्रशिक्षण घेतले. पाच वर्षापासून पालक, पुदिना, कोथिंबीर, सोयाबीन, नागली आदींपासून १४ प्रकारचे पापड तसेच शेवया तयार करुन विक्री करीत आहे. औरंगाबाद शहर तसेच विविध ठिकाणच्या प्रदर्शनामध्ये या पदार्थांना मोठी मागणी असते. त्यातून स्वतःचा उत्पन्नाचा मार्ग मिळाला आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com