agriculture story in marathi, Anil Shinde from Sangli Dist. has grown sweet watermelons for Ramjan festival. | Agrowon

रमजान सणासाठी दर्जेदार कलिंगडे

श्यामराव गावडे
शनिवार, 15 मे 2021

यंदा सलग दुसऱ्या वर्षी लॉकडाउनचा फटका शेतकऱ्यांना बसत आहे. अशावेळी सांगली जिल्ह्यातील आष्टा (ता. वाळवा) येथील प्रगतिशील शेतकरी अनिल शिंदे यांनी रमजान सणाचे उद्दिष्ट ठेवले. योग्य व्यवस्थापानातून कलिंगडे पिकवून त्यास चांगला दरही मिळवण्याचा प्रयत्न केला.

यंदा सलग दुसऱ्या वर्षी लॉकडाउनचा फटका शेतकऱ्यांना बसत आहे. अशावेळी सांगली जिल्ह्यातील आष्टा (ता. वाळवा) येथील प्रगतिशील शेतकरी अनिल शिंदे यांनी रमजान सणाचे उद्दिष्ट ठेवले. योग्य व्यवस्थापानातून कलिंगडे पिकवून त्यास चांगला दरही मिळवण्याचा प्रयत्न केला.

सांगली जिल्ह्यात आष्टा येथे अनिल शिंदे यांचे शेतशिवार लागते. त्यांची सहा एकर शेती आहे. त्यात मागील वर्षापासून दोन एकरांत त्यांनी कलिंगड घेतले आहे. पहिल्या वर्षी सलग दोन एकरांत तर यंदा केळी पिकात त्याचे आंतरपीक घेतले. वास्तविक केळीत कलिंगडासारखी वेलवर्गीय पिके घेऊ नयेत, अशी तज्ज्ञांची शिफारस असते. मात्र यंदाच्या प्रयोगात किडी-रोगांचा धोका जाणवला नसल्याचे शिंदे म्हणाले.

लागवडीचे नियोजन
मागील वर्षी रमजान सणाचे उद्दिष्ट ठेवून शिंदे यांनी १० ते १२ फेब्रुवारीच्या दरम्यान साडेचार फूट सरीत झिगझॅग पद्धतीने लागवड केली. चांगल्या व्‍यवस्थापनानंतर एकरी २७ टनांपर्यंत उत्पादन घेण्यात ते यशस्वी झाले. हा यशस्वी अनुभव पदरी असल्याने यंदाही लागवड करायची असा निर्धार केला, परंतु क्षेत्र रिकामे नव्हते. जे उपलब्ध होते त्यात केळी लागवडीचे नियोजन होते. मग शिंदे यांनी धाडस करून केळीत कलिंगडाचे आंतरपीक घेण्याचे नियोजन केले. सुरुवातीला मल्चिंग पेपर अंथरून झाल्यावर केळी लावणीचे मार्किंग करून घेण्यात आले. त्यानंतर एक आड एक सरीत बगलेवर कलिंगडाच्या रोपांची लावण केली.

रमजान सणात विक्री
रमजान सण काळात रोजे पवित्र मानले जातात. महिनाभराच्या उपवासाच्या काळात
फळांना मागणी चांगली असते. आष्टा गावापासून जवळ असलेल्या कोल्हापूर व सांगली येथील बाजारपेठेत विक्री करण्यात आली. सांगली, कोल्हापूर मार्केटला मागील वर्षी प्रति किलो पाच ते सात रुपये दर मिळाला. शिंदे गावातील अभियांत्रिकी महाविद्यालयात प्रयोगशाळा विभागात कार्यरत आहेत. त्यामुळे गाव परिसरात त्यांचे नेटवर्क चांगले आहे. यंदा व्हॉट्‌सॲप ग्रुपद्वारे कलिंगड खाण्यास अवश्‍य या अशा आशयाची ‘पोस्ट’ त्यांनी पाठवली. त्याचा अनेकांनी लाभ घेतला. यंदा किलोला ९ रुपये दरही मिळाला.

अन्य पिके
शिंदे यांनी पपईची देखील लागवड केली आहे. यंदा उसात आले घेण्याचा प्रयत्न केला आहे. आल्याची काढणी सुरू आहे. पाच महिन्यांचा ऊस जोमदार आहे. उसाचे दरवर्षी एकरी ८० ते ९० टनांपर्यंत उत्पादन घेतात. पाचट न जाळता कुट्टी करून वापर, फेरपालट, दूरदूरष्टी ठेवून पिकांचे नियोजन करण्यावर त्यांचा भर असतो.

संपर्क- अनिल शिंदे, ९९७०७००८७०


फोटो गॅलरी

इतर अॅग्रो विशेष
कोकण, विदर्भात मुसळधारेचा अंदाज पुणे : दक्षिण कोकणची किनारपट्टी ते उत्तर...
राज्यात ठिकठिकाणी मुसळधारपुणे : कोकणातील रायगड, रत्नागिरी, सिंधुदुर्ग...
उत्तरेत मॉन्सूनचा वेगाने प्रवास पुणे : गेल्या दोन दिवसांपासून उत्तर भारतात पुन्हा...
तुम्हीच अभ्यास करा, अन् विम्याचे ठरवा...सोलापूर ः पुनर्रचित हवामान आधारित फळपीक...
चिकू विमा हप्त्यात सहा पटीने वाढ पालघर ः कोरोनाच्या संकटात चहूबाजूंनी शेतकरी...
फळपीक विमा योजनेत हवामान धोके कायम, ...सोलापूर ः पुनर्रचित हवामान आधारित फळपीक विमा...
चार पिकांमध्ये पूर्ण बियाणे बदल नगर ः चांगले उत्पादन घ्यायचे तर नवी सुधारित...
द्राक्ष उत्पादकांची फसवणूक, ५...नाशिक : दिंडोरी तालुक्यातील वळखेड, निगडोळ, नळवाडी...
राज्यात ३.१४ लाखांवर नवीन वीजजोडण्या सांगली ः कोरोना विषाणूच्या दुसऱ्या लाटेत मार्च...
पदवीधर महिलेची मशरूम निर्मिती ठरतेय...पुणे येथील तृप्ती धकाते यांनी मशरूम (अळिंबी)...
मानवलोक... ग्रामीण पुनर्रचनेसाठी...शेतकरी, शेतमजूर, ग्रामीण स्त्रियांसाठी कल्याणकारी...
उत्तर भारतात मॉन्सूनची प्रगती पुणे : उत्तर भारतात मॉन्सूनला प्रगतीसाठी पोषक...
सोमवारपासून पावसाचा प्रभाव कमी होणार पुणे : दक्षिण कोकण व मध्य महाराष्ट्रात पावसाने...
कृषी परिषदेत संचालक नेमण्यासाठी मुहूर्त...पुणे ः राज्याच्या कृषी संशोधनाला चालना देण्यासाठी...
कोकणात जोरदार पाऊसपुणे : कोकणातील बहुतांशी भागांत पावसाने चांगलेच...
‘एफआरपी’चा अभ्यास सुरू पुणे ः राज्यातील ऊस उत्पादक शेतकऱ्यांना दिल्या...
‘क्रॉपसॅप’ प्रकल्पात १७ पिकांचा समावेश पुणे ः राज्यात यंदा पिकांवरील कीड-रोग सर्वेक्षण व...
‘पशुसंवर्धन’च्या योजनांसाठी केंद्राकडून...पुणे ः पशुसंवर्धनाबरोबरच दूध आणि प्रक्रिया उद्योग...
पीककर्ज व्याज सवलत योजनेस ३० जूनपर्यंत...अकोला : शेतकऱ्यांनी खरीप हंगामासाठी पेरणीच्या आधी...
काळ्या भाताच्या लागवडी तथ्य तपासूनच...नाशिक : सध्या राज्याच्या विविध भागांत अनेक शेतकरी...