आयरीश मातीमध्ये सापडला नवा जिवाणू

आयर्लंड येथील मातीमध्ये संशोधकांना आजवर अज्ञात असलेली जिवाणूंची प्रजात आढळली आहे. हा जिवाणूमुळे वैद्यकीय कारणांसाठी उपयुक्त ठरू शकेल, असे प्रतिजैविक बनवणे शक्य होणार आहे. सध्या प्रतिजैविकांना प्रतिकारकता विकसित केल्यामुळे आरोग्यासाठी हानीकारक ठरणाऱ्या सहा जिवाणूंपैकी चार जिवाणूंना हे प्रतिजैविक रोखू शकेल, असा दावा स्वानसी विद्यापीठातील संशोधकांनी केला आहे. युरोपमध्ये प्रतिजैविकांना प्रतिकारकता विकसित केलेल्या जिवाणूंच्या प्रादुर्भावामुळे २०५० पर्यंत सुमारे १२ लाख लोक मृत्युमुखी पडण्याची शक्यता व्यक्त करण्यात येते. जागतिक आरोग्य संघटनेने या समस्येला जागतिक आरोग्यासाठी सर्वात मोठा धोका मानले आहे. प्रतिजैविकांना पर्याय ठरतील अशा औषधांचा शोध सध्या सुरू आहे. उत्तर आयर्लंड भागातील फेरमानाघ येथील बोहो प्रदेशातील मातीच्या प्रामुख्याने अल्कलीयुक्त गुणधर्मासह कुरणांची आहे. ही माती जखमा भरून येण्यासाठी प्रसिद्ध आहे. पारंपरिक संस्कृतीनुसार अत्यल्प प्रमाणातील माती कॉटनच्या कपड्यात गुंडाळली जाते. दातदुखी, घसा आणि मानेच्या विविध दुखण्यामध्ये त्याचा वापर केला जातो. येथे पूर्वी वास्तव्य असलेल्या डॉ. गेरी क्विन्न यांना माहीत होते. संशोधकांनी या मातीचे विश्लेषण केले असून, त्यातून स्ट्रेप्टोमायसिस ची नवी प्रजाती ओळखली आहे.