जळगावचा फूलबाजार पंचक्रोशीत प्रसिद्ध आहे. विविध प्रकारची व रंगांची आकर्षक फुले व फीलर्स यांना येथे बारमाही मागणी व उठाव असतो. विदर्भासह, गुजरातेतील बडोदा, सुरत येथेही मोठे खरेदीदार फुलांची बारमाही पाठवणूक करतात. मोगरा, गुलाब, झेंडू, निशिगंधच्या फुलांचे दर वर्षभरापासून टिकून असून गौरी-गणपतीचा हंगाम तर खानदेशातील फूल उत्पादकांसाठी आर्थिक लाभ देणाराच ठरतो. जळगाव शहरात कृषी उत्पन्न बाजार समितीच्या अखत्यारीत वल्लभदास वालजी (गोलाणी) व्यापारी संकुलात सुमारे ३५ वर्षांपासून भरणारा फूलबाजार खानदेशात प्रसिद्ध आहे. सध्या गौरी-गणपतीच्या सणाची सर्वत्र मोठी धामधूम आहे. या धर्तीवर हा फूलबाजार उत्साहाने व विविध रंगांच्या आकर्षक फुलांनी भरून गेला आहे. जळगाव जिल्ह्यातील फूलशेती जळगाव तालुक्यातील शिरसोली, आसोदे, तरसोद, विदगाव, चोपडा, पारोळा, एरंडोल, भुसावळ तालुक्यातील कुऱ्हे पानाचे, तळवेल आदी भागांत गुलाब, झेंडू, निशिगंध, लिली, मोगरा यांची लागवड झाली आहे. सुमारे दोन हजार हेक्टरपर्यंत झेंडू, सुमारे २०० ते ३०० हेक्टर गुलाब तर निशिगंध, मोगरा, शेवंती, फिलरमधील बिजनी (स्थानिक नाव), गोल्डन रॉड, लिली आदी मिळून सुमारे ३०० हेक्टरपर्यंत लागवड जळगाव जिल्ह्यात असावी असा जाणकारांचा अंदाज आहे. फूल उत्पादनासाठी तालुक्यातील शिरसोली प्रसिद्ध आहे. येथे जरबेरा, झेंडूसह विविध फुले, फिलर्सची लागवड होते. मागील वर्षभर खानदेश व लगतच्या भागात दुष्काळी स्थिती असल्याने अनेक फुलांचे नुकसान झाले. त्याचा परिणाम यंदा काहीसा झाला. अशी होते आवक
गुजरात, विदर्भातून मागणी पुष्पगुच्छासाठी आवश्यक फिलर्सचा तुटवडा शक्यतो दिसून येत नाही. कारण शिरसोली व आसोदे येथील शेतकरी बारमाही बिजनी, गोल्डन रॉड आदींचे उत्पादन घेऊ लागले आहेत. त्यांची आवक काही वेळेस गरजेपेक्षा अधिक होते. जरबेरा, गुलाबाला गुजरातहून अधिक मागणी असते. त्यामुळे दोन-तीन आडतदार गुलाब आणि जरबेराची बारमाही खरेदी करतात. उन्हाळ्यात नागपूर येथे गुलाब, निशिगंध, मोगरा यांना मागणी असते. अकोला, बुलडाणा, यवतमाळ, वाशीम, नंदुरबार, धुळे येथे सर्व फुलांची पाठवणूक जळगावच्या फूलबाजारातून होते. जळगाव फूलबाजार- ठळक बाबी
आवक, हंगाम व दर (प्रति किलो) झेंडू
गुलाब
निशिगंध
लिली
मोगरा
जरबेरा
मोगरा, निशिगंध यांचे बारमाही चांगले असतात. त्यामुळे त्यांच्या शेतीवर शेतकऱ्यांचा अधिक भर असतो. झेंडूची लागवड जूनमध्ये करण्यावर शेतकऱ्यांचा भर दिसतो. प्रतिक्रिया गुलाबाचे चार वर्षांपासून एक एकरात उत्पादन घेतो. उन्हाळ्यात २०० ते ३०० रुपये प्रति शेकडापर्यंत दर मिळतात. - सुनील बारी, ९८९०८५८३०६ फुलांना स्थानिक भागाबरोबरच गुजरात, मध्य प्रदेशातही चांगली मागणी आहे. त्यादृष्टीने परराज्यातही इथून फुलांची निर्यात होते. संजय जगन्नाथ बारी, अडतदार
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.