agriculture story in marathi, grape advisary | Agrowon

डाऊनी मिल्ड्यू, करपा रोगाच्या प्रादुर्भावावर लक्ष द्या...

डॉ. एस. डी. सावंत
शुक्रवार, 10 ऑगस्ट 2018

येत्या आठवड्यामध्ये द्राक्ष लागवडीच्या विभागांच्यामध्ये चांगल्या पावसाची शक्यता दिसत नाही. या आठवड्यात सर्वसाधारणपणे नाशिक, पुणे आणि सांगली विभागामध्ये पश्चिमेच्या बाजूला म्हणजेच कोकणपट्टीच्या जवळपासच्या भागामध्ये हलक्या पावसाची शक्यता आहे. हा पाऊस सोमवारनंतर तीन ते चार दिवस राहील.

येत्या आठवड्यामध्ये द्राक्ष लागवडीच्या विभागांच्यामध्ये चांगल्या पावसाची शक्यता दिसत नाही. या आठवड्यात सर्वसाधारणपणे नाशिक, पुणे आणि सांगली विभागामध्ये पश्चिमेच्या बाजूला म्हणजेच कोकणपट्टीच्या जवळपासच्या भागामध्ये हलक्या पावसाची शक्यता आहे. हा पाऊस सोमवारनंतर तीन ते चार दिवस राहील.

  • नाशिक जिल्ह्यातील पिंपळगाव बसवंतच्या जवळच्या भागात सोमवारनंतर मध्यम स्वरूपाचा पाऊस होईल. ओझर, पालखेड, निफाड परिसरामध्ये अधूनमधून एकादी हलकी सर किंवा रिमझिम पावसाची शक्यता आहे.
  • पुणे विभागामध्ये नारायणगाव, जुन्नर परिसरात हलक्या ते मध्यम स्वरूपाचा पाऊस हाईल. यवत, सुपा, पारगाव, पाटस, बारामती व जवळपासच्या भागात सोमवारनंतर ५ ते ६ दिवस हलक्या किंवा रिमझिम पावसाची शक्यता आहे.
  • सांगलीच्या सर्वच विभागामध्ये हलक्या ते मध्यम स्वरूपाचा पाऊस असेल. विशेषतः कवठे महांकाळ, पळशी, खानापूर, विटा, तासगाव या परिसरात हलक्या ते मध्यस स्वरूपाचा तर मिरज, आरग, कागवाड या परिसरात जास्त प्रमाणात पाऊस होईल.
  • सोलापूर भागात नानज, काटी, कारी, वैराग, बार्शी, भूम, उस्मानाबाद, तुळजापूर या सर्व विभागात फारश्या पावसाची शक्यता नाही. अधूनमधून वातावरण ढगाळ राहील.

रोग नियंत्रणाचे उपाय ः

  • सध्याच्या परिस्थितीमध्ये जेथे पावसाची शक्यता दिसते तेथे पाऊस झाल्यानंतर डाऊनी मिल्ड्यू किंवा करपा किंवा तांबेरा रोगाच्या नियंत्रणासाठी ताम्रयुक्त बुरशीनाशकाची (अर्धा टक्का बोर्डो मिश्रण किंवा कॉपर हायड्रॉक्साईड दीड ते दोन ग्रॅम किंवा कॉपर आॅक्सिक्लोराईड ३ ग्रॅम प्रतिलिटर पाणी) फवारणी उपयोगी पडते. घाईने फवारणी करण्याची फारशी जरूरी नाही. या भागात एक दोन चांगले पाऊस झाल्यानंतरच फवारणी घ्यावी.
  • ढगाळ वातावरणात रिमझिम पाऊस झाल्यास भुरी वाढू शकतो. नियंत्रणासाठी सल्फर (८० डब्लूजी) २ ग्रॅम प्रतिलिटर पाण्यात मिसळून फवारणी करावी. ज्या भागात फक्त सल्फरचा वापर झालेला आहे आणि ताम्रयुक्त बुरशीनाशके किंवा ट्राय अझोल गटातील बुरशीनाशकांचा वापर झालेला नाही, अशा बागेमध्ये जैविक नियंत्रणाचा वापर करणे शक्य आहे. रिमझिम पाऊस झाल्यानंतर भुरीच्या नियंत्रणासाठी ॲम्पिलोमायसीस ५ मि.लि किंवा ट्रायकोडर्मा ५ मि.लि. प्रतिलिटर पाण्यात मिसळून फवारणी करावी.
  • हलक्या पावसामुळे सर्वसाधारणपणे नवीन फुटी लवकर वाढतात. या फुटींचा लवकर खुडा केल्यास बागेमध्ये करपा, तांबेरा वाढत नाही म्हणून बुरशीनाशकाच्या फवारणीएेवजी खुडा करण्याकडे जास्त लक्ष दिले पाहिजे.

कीड नियंत्रणाचे उपाय

  • पावसाने झालेल्या जास्त आर्द्रतेचा फायदा घेऊन रस शोषण करणाऱ्या किडींच्या नियंत्रणासाठी ३ ते ५ मि.लि मेटारायझियम किंवा ३ ते ५ मि.लि बिव्हेरिया प्रतिलिटर पाणी आणि लाल कोळीच्या नियंत्रणासाठी ३ ते ५ मि.लि हिरसुटीला थाॅंपसनी प्रतिलिटर पाण्यात मिसळून फवारणी केल्यास चांगले नियंत्रण मिळून फायदा होण्याची शक्यता आहे.
  • जैविक नियंत्रणाचा वापर करण्याअगोदर आणि त्यानंतर ताम्रयुक्त बुरशीनाशके किंवा ट्राय अझोल गटातील बुरशीनाशकाचा वापर कटाक्षाने टाळावा.

संपकर् ः ०२० - २६९५६००१
(संचालक, राष्ट्रीय द्राक्ष संशोधन केंद्र, मांजरी, पुणे)

 


इतर ताज्या घडामोडी
कोल्हापुरात दिड हजार, खते, बियाणे...कोल्हापूर  : बियाण्यांच्या उगवणीप्रश्नी...
सांगली जिल्ह्यात दोन लाख १९ हजार हेक्‍...सांगली : जिल्ह्यात पावसांचा खंड असला तरी  ...
सांगली जिल्ह्यात खते, बियाण्यांच्या ६९...सांगली :‘कृषी विभागाने जिल्ह्यातील ६९ किटकनाशके,...
परभणी जिल्ह्यात आधार प्रमाणिकरणाचे २९...परभणी : महात्मा जोतिराव फुले शेतकरी कर्जमुक्ती...
सजीव प्रजातींची सर्वमान्य यादी...पृथ्वीवरील सर्व ज्ञात प्रजातींची जागतिक पातळीवर...
नाशिक जिल्ह्यात सोयाबीन बियाणे न...नाशिक : खरिपाच्या सुरुवातीला चांगला पाऊस झाला....
वऱ्हाडात कृषी विक्रेत्यांचा कडकडीत बंदअकोला : सोयाबीन बियाणे न उगवल्या प्रकरणी...
नाशिक जिल्ह्यात कृषी निविष्ठा...नाशिक : कृषी निविष्ठा विक्री केंद्रांवरील...
विदर्भात दहा हजार कृषी केंद्रांना टाळेनागपूर : कृषी विक्रेत्यांच्या न्याय्य...
पुणे जिल्ह्यात कृषी सेवा केंद्रे बंदपुणे : महाराष्ट्र फर्टिलायझर्स, पेस्टीसाईड्स...
सोलापुरात कृषी सेवा केंद्रांचा बंद...सोलापूर : बियाणे उगवणीबाबत झालेल्या तक्रारीच्या...
‘जिल्हा परिषद, ग्रामपंचायत अधिकारी, ...मुंबई : कोरोना विषाणूचा प्रादुर्भाव रोखण्यासाठी...
थेट विक्री बंदीची नोटीस मागे घ्या,...पुणे ः शेतकऱ्यांना पुणे शहरात थेट शेतमाल विक्रीला...
हमाल कोरोनाग्रस्त, जळगावात खतांचे रेक...जळगाव ः मालधक्क्यावर रेल्वे रेक रिकामे करणाऱ्या...
भात रोपवाटिकेत खोडकिडीचा प्रादुर्भावऑक्टोबर, नोव्हेंबरमध्ये खरिपातील भात पीक...
परभणीत भेंडी १२०० ते २००० रुपये...परभणी : ‘‘येथील पाथरी रस्त्यावरील फळे, भाजीपाला...
केळीवरील करपा रोगाचे नियंत्रणसध्या केळी पिकाच्या पील बागेत करपा रोगाचा...
वऱ्हाडातील शेतकऱ्यांचा सोयाबीनकडे अधिक...अकोला ः खरिपातील पेरण्या अंतिम टप्प्यात पोचल्या...
औरंगाबादमध्ये निम्म्याच शेतकऱ्यांची मका...औरंगाबाद  : जिल्ह्यात आधारभूत किमतीने भरड...
नांदेड, परभणी, हिंगोलीतील १२४ मंडळांत...नांदेड  ः नांदेड, परभणी, हिंगोली जिल्ह्यातील...