agriculture story in marathi, weekly weather advisary | Agrowon

अाठवड्यात सर्वत्र कमी-अधिक पावसाची शक्यता
डॉ. रामचंद्र साबळे
शनिवार, 6 ऑक्टोबर 2018

महाराष्ट्राच्या पश्‍चिम किनारपट्टीवर १००८ हेप्टापास्कल इतका कमी हवेचा दाब राहील, तर मराठवाडा व विदर्भावर १०१२ हेप्टापास्कल इतका अधिक हवेचा दाब राहील. त्यामुळे कोकण व पश्‍चिम महाराष्ट्रात जोरदार पावसाची शक्‍यता आहे. नाशिकच्या जवळ हवेचे दाब आणखी कमी होणे शक्‍य आहे. ईशान्य भारतावर १०१४ हेप्टापास्कल इतका अधिक हवेचा दाब राहण्यामुळे ईशान्य मॉन्सूनचा जोर वाढण्यास उपयुक्त ठरेल. या आठवड्यात कोकण तसेच घाटमाथा भागात व पालघर तसेच नंदूरबार जिल्ह्यातही पावसाची शक्‍यता आहे. अरबी समुद्रात तयार होणारे वादळ पश्‍चिम दिशेस जाईल. त्या वादळाचा प्रभाव राजस्थान, मध्य प्रदेश या भागातही पाऊस होण्यात होईल.

महाराष्ट्राच्या पश्‍चिम किनारपट्टीवर १००८ हेप्टापास्कल इतका कमी हवेचा दाब राहील, तर मराठवाडा व विदर्भावर १०१२ हेप्टापास्कल इतका अधिक हवेचा दाब राहील. त्यामुळे कोकण व पश्‍चिम महाराष्ट्रात जोरदार पावसाची शक्‍यता आहे. नाशिकच्या जवळ हवेचे दाब आणखी कमी होणे शक्‍य आहे. ईशान्य भारतावर १०१४ हेप्टापास्कल इतका अधिक हवेचा दाब राहण्यामुळे ईशान्य मॉन्सूनचा जोर वाढण्यास उपयुक्त ठरेल. या आठवड्यात कोकण तसेच घाटमाथा भागात व पालघर तसेच नंदूरबार जिल्ह्यातही पावसाची शक्‍यता आहे. अरबी समुद्रात तयार होणारे वादळ पश्‍चिम दिशेस जाईल. त्या वादळाचा प्रभाव राजस्थान, मध्य प्रदेश या भागातही पाऊस होण्यात होईल. याच काळात दक्षिण भारतातही विशेषतः केरळ, कर्नाटक, आंध्र प्रदेश व तेलंगाना भागातही पाऊस होण्यात होईल.

७ ऑक्‍टोबर रोजी पश्‍चिम किनारपट्टीवरील हवेच्या दाबात थोडी वाढ होऊन तो १०१० हेप्टापास्कल इतका वाढेल; आणि तो संपूर्ण महाराष्ट्रावर समान राहील. ८ ऑक्‍टोबर रोजी हवेच्या दाबाच्या स्थितीत बदल होणार नाही, तसेच ९ ऑक्‍टोबर रोजी तितकाच हवेचा दाब राहील. मात्र १० ऑक्‍टोबर रोजी कच्छ आणि उत्तर महाराष्ट्रावर १००८ हेप्टापास्कल इतका कमी हवेचा दाब राहण्यामुळे त्या भागात पावसाचा जोर राहील. तसेच मुंबई, ठाणे व त्यापुढील सर्व पूर्वेकडील भागावर तितकाच हवेचा दाब राहण्यामुळे मुंबई, ठाणे, पालघर आणि परिसरातही पावसाचे प्रमाण वाढेल. तसेच रायगड, मुंबई, पालघर, ठाणे, नंदूरबार भागात पावसाच्या प्रमाणात वाढ होईल. त्याचदिवशी म्हणजे १० ऑक्‍टोबर रोजी मराठवाडा व पश्‍चिम महाराष्ट्रातही पावसाची शक्‍यता आहे. सध्या भारतीय हवामान शास्त्र विभागाने गुजरात, मध्य प्रदेशचा पश्‍चिम भाग, राजस्थान, पंजाब, हरियाना या प्रदेशातून मॉन्सून परतला असल्याचे म्हटले असले, तरी अरबी समुद्रातील वादळाच्या प्रभावाने गुजरात, मध्य प्रदेश, राजस्थानच्या भागातही या आठवड्यात पावसाची शक्‍यता आहे. मॉन्सूनची वाटचाल महाराष्ट्रात सुरू असून, या आठवड्यात आणि पुढील आठवड्याच्या सुरवातीपर्यंत काही भागात पाऊस होईल.

कोकण
कोकणातील सिंधुदुर्ग जिल्ह्यात काही दिवशी १६ मिलिमीटर तर रत्नागिरी जिल्ह्यात काही दिवशी २२ मिलिमीटर तर रायगड व ठाणे जिल्ह्यांत प्रत्येकी ५ मिलिमीटर पावसाची शक्‍यता असून, वाऱ्याची दिशा प्रामुख्याने अाग्नेयेकडून राहील. ठाणे जिल्ह्यात वाऱ्याची दिशा ईशान्येकडून राहील. वाऱ्याचा ताशी वेग ७ ते ९ किलोमीटर राहील. कमाल तापमान सिंधुदुर्ग, रत्नागिरी व रायगड जिल्ह्यांत ३५ अंश सेल्सिअस राहील तर ठाणे जिल्ह्यात कमाल तापमान ३५ अंश सेल्सिअस राहील. किमान तापमान सिंधुदुर्ग व रत्नागिरी जिल्ह्यांत २४ ते २५ अंश सेल्सिअस राहील तर रायगड व ठाणे जिल्ह्यांत किमान तापमान २७ ते २८ अंश सेल्सिअस राहील. आकाश पूर्णतः ढगाळ राहील. सकाळची सापेक्ष आर्द्रता रत्नागिरी व सिंधुदुर्ग जिल्ह्यांत ८४ ते ८९ टक्के राहील, तर रायगड व ठाणे जिल्ह्यांत ६७ ते ७५ टक्के राहील. दुपारची सापेक्ष आर्द्रता ४५ ते ५२ टक्के इतकी कमी राहील.

उत्तर महाराष्ट्र
उत्तर महाराष्ट्रात पावसाची शक्‍यता कमी असली तरी काही भागांत ईशान्य मॉन्सूनचा पाऊस होणे शक्‍य आहे. तसेच वादळी वाऱ्यामुळेही काही पश्‍चिमीकडील भाकगात पाऊस होणे शक्‍य आहे. वाऱ्याची दिशा प्रामुख्याने अाग्नेयेकडून राहील, तर जळगाव जिल्ह्यात वाऱ्याची दिशा ईशान्येकडून राहील. वाऱ्याचा ताशी वेगक ७ ते ९ किलोमीटर राहील. कमाल तापमान सर्वच जिल्ह्यांत ३७ अंश सेल्सिअस राहील, तर किमान तापमान जळगाव जिल्ह्यात २३ अंश सेल्सिअस राहील आणि उर्वरित जिल्ह्यांत २५ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ५० ते ५३ टक्के राहील, तर दुपारची सापेक्ष आर्द्रता २६ ते ३४ टक्के राहील, त्यामुळे हवामान कोरडे राहील.

मराठवाडा
उस्मानाबाद, लातूर व नांदेड जिल्ह्यांत ३ ते ८ मिलिमीटर पावसाची शक्‍यता असून, उर्वरित सर्वच जिल्ह्यांतही अल्पशा अथवा अधूनमधून जोरदार पावसाची शक्‍यता राहील. वाऱ्याची दिशा अाग्नेयेकडून राहील. वाऱ्याचा ताशी वेग ४ ते १२ किलोमीटर राहील. बीड जिल्ह्यात कमाल तापमान ३४ अंश सेल्सिअस राहील, तर उर्वरित सर्वच जिल्ह्यांत कमाल तापमान ३६ अंश सेल्सिअस इतके वाढेल. त्यामुळे ऑक्‍टोबर हीट जाणवेल. जालना जिल्ह्यात किमान तापमान २१ अंश सेल्सिअस राहील, तर औरंगाबाद जिल्ह्यात २३ अंश सेल्सिअस राहील. उर्वरित सर्वच जिल्ह्यांत किमान तापमान २२ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ५९ ते ८३ टक्के इतकी राहील, तर दुपारची सापेक्ष आर्द्रता परभणी, हिंगोली, जालना व औरंगाबाद जिल्ह्यांत ३० ते ३९ टक्के इतकी राहील, तर उस्मानाबाद, लातूर, नांदेड, बीड जिल्ह्यांत सकाळची सापेक्ष आर्द्रता ४१ ते ४७ टक्के राहील.

पश्‍चिम विदर्भ
पश्‍चिम विदर्भात अकोला व वाशीम जिल्ह्यांत २ मिलिमीटर तर बुलडाणा व अमरावती जिल्ह्यांत ६ ते ७ मिलिमीटर पावसाची शक्‍यता आहे. बुलडाणा जिल्ह्यात वाऱ्याची दिशा वायव्येकडून राहील, तर अकोला, वाशीम व अमरावती जिल्ह्यांत अाग्नेयेकडून व ईशान्येकडून राहील. वाऱ्याचा ताशी वेग ४ ते ८ किलोमीटर राहील. अकोला जिल्ह्यात कमाल तापमान ३५ अंश सेल्सिअस राहील. बुलडाणा व वाशीम जिल्ह्यांत ३२ अंश सेल्सिअस राहील, तर अमरावती जिल्ह्यात ३४ अंश सेल्सिअस राहील. अकोला जिल्ह्यात किमान तापमान ३४ अंश सेल्सिअस राहील, तर उर्वरित सर्वच जिल्ह्यांत २१ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ७५ ते ८५ टक्के राहील. दुपारची सापेक्ष आर्द्रता ३५ ते ४२ टक्के राहील, त्यामुळे हवामान कोरडे राहील.

मध्य विदर्भ
मध्य विदर्भात २ ते ४ मिलिमीटर पावसाची शक्‍यता आहे. वाऱ्याची दिशा ईशान्येकडून राहील. वाऱ्याचा ताशी वेग २ ते ६ किलोमीटर राहील. कमाल तापमान ३३ ते ३४ अंश सेल्सिअस राहील, तर किमान तापमान २१ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ८२ त ८५ टक्के राहील, तर दुपारची सापेक्ष आर्द्रता ३५ ते ३८ टक्के राहील.

पूर्व विदर्भ
पूर्व विदर्भात २ ते ४ मिलिमीटर पावसाची शक्‍यता आहे. वाऱ्याची दिशा गोंदिया व भंडारा जिल्ह्यात ईशान्येकडून राहील, तर चंद्रपूर व गडचिरोली जिल्ह्यात वाऱ्याची दिशा अाग्नेयकडून राहील, तर भंडारा व गोंदिया जिल्ह्यांत वाऱ्याची दिशा ईशान्येकडून राहील. वाऱ्याचा ताशी वेग ६ किलोमीटर राहील. चंद्रपूर जिल्ह्यात कमाल तापमान ३५ अंश सेल्सिअस राहील, तर उर्वरित गडचिरोली, भंडारा व गोंदिया जिल्ह्यात कमाल तापमान ३४ अंश सेल्सिअस राहील. चंद्रपूर जिल्ह्यात किमान तापमान २४ अंश सेल्सिअस राहील, तर उर्वरित गडचिरोली व भंडारा जिल्ह्यांत २३ अंश सेल्सिअस आणि गोंदिया जिल्ह्यात ते २२ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ८२ ते ८४ टक्के राहील, तर दुपारची सापेक्ष आर्द्रता ३८ ते ४० टक्के राहील.

दक्षिण-पश्‍चिम महाराष्ट्र
कोल्हापूर जिल्ह्यात काही दिवशी १५ मिलिमीटर पावसाची शक्‍यता असून, सांगली जिल्ह्याचे काही भागांत २२ मिलिमीटर व सातारा जिल्ह्यात २० मिलिमीटर पावसाची शक्‍यता आहे. पुणे जिल्ह्यातील काही भागात १५ मिलिमीटर पावसाचटी शक्‍यता असून, सोलापूर जिल्ह्यात ६ मिलिमीटर पावसाची शक्‍यता आहे. नगर जिल्ह्यात पावसाची शक्‍यता नाही. वाऱ्याची दिशा अाग्नेयेकडून राहील. वाऱ्याचा ताशी वेग सांगली व सोलापूर जिल्ह्यांत ताशी १४ किलोमीटर राहील, तर कोल्हापूर व सातारा जिल्ह्यांत वाऱ्याचा ताशी वेग १० किलोमीटर राहील. पुणे व नगर जिल्ह्यांत वाऱ्याचा ताशी वेग ९ किलोमीटर राहील. कोल्हापूर व पुणे जिल्ह्यांत कमाल तापमान ३४ अंश सेल्सिअस राहील, तर नगर व सांगली जिल्ह्यांत कमाल तापमान ३५ अंश सेल्सिअस राहील. किमान तापमान सोलापूर जिल्ह्यात २२ अंश सेल्सिअस राहील तर नगर जिल्ह्यात २३ अंश सेल्सिअस राहील. पुणे जिल्ह्यात २५ अंश सेल्सिअस तर कोल्हापूर व सांगली जिल्ह्यात २४ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता कोल्हापूर जिल्ह्यात ८६ टक्के राहील. पुणे व नगर जिल्ह्यांत सकाळची सापेक्ष आर्द्रता ६४ ते ६९ टक्के राहील. सांगली, सातारा व सोलापूर जिल्ह्यांत सकाळची सापेक्ष आर्द्रता ७० ते ७६ टक्के राहील. दुपारची सापेक्ष आर्द्रता ३९ ते ४५ टक्के राहील.

कृषी सल्ला

  • पावसात उघडीप होताच सोयाबीन, बाजरी पिके परिपक्व झाली असल्यास काढणी करून मळणी करून धान्य उन्हात वाळवून साठवण करावी.
  • जेथे चांगला पाऊस झाला आहे आणि जमिनीत ६५ मि.मी. इतका ओलावा झाला आहे, तेथे वापसा येताच पेरणी करावी.
  • कांदा रोपांची वाफ्यात लागवड करावी.
  • टोमॅटो, वांगी, फ्लॉवर, कोबी या भाजीपाला पिकाची रोपे तयार असल्यास बागायत क्षेत्रात लागवड करावी.
  • पूर्व हंगामी ऊस लागवडीसाठी शेताची पूर्व मशागत करावी.

(ज्येष्ठ कृषी हवामान तज्ज्ञ, सदस्य संशोधन परिषद वसंतराव नाईक मराठवाडा कृषी विद्यापीठ, परभणी)

इतर ताज्या घडामोडी
औरंगाबादेत फ्लॉवर १८०० ते ३००० रुपये...औरंगाबाद : येथील कृषी उत्पन्न बाजार...
सांगली जिल्हा दुष्काळाच्या छायेतसांगली : पावसाळ्याचा दीड महिन्याचा कालावधी लोटला...
मराठवाड्यातील २६६ मंडळांमध्ये पाऊसऔरंगाबाद/नांदेड ः मराठवाड्यातील ८ जिल्ह्यांतील ६३...
पावसाच्या आगमनाने नाशिकमधील शेतकरी...नाशिक : जिल्ह्यात पावसाने दडी मारल्याने...
पशुसंवर्धन विकासासाठी ७०० कोटींचा निधी...कोल्हापूर  : राज्यातील पशुसंवर्धन विकासाला...
मराठवाड्यातील पावणेनऊ लाखांवर शेतकरी...औरंगाबाद : मराठवाड्यातील आठही जिल्ह्यांतील...
विद्यार्थी, शेतकरीप्रश्नी ‘स्वाभिमानी’...बुलडाणा  : जिल्ह्यातील शेतकरी अनेक समस्यांना...
बारामतीत मुसळधार पाऊसपुणे  : जिल्ह्याच्या कोरडवाहू भागात असलेल्या...
नगर जिल्ह्यातील सहा महसूल मंडळांत...नगर : जिल्ह्यातील ३५ महसूल मंडळांत शनिवारी जोरदार...
कोणत्याही तंत्रज्ञानाचा डोळस स्वीकार...औरंगाबाद   : कोणत्याही तंत्रज्ञानाचा...
विधानसभा निवडणुकीत महायुतीने  २२० जागा...मुंबई  : आगामी विधानसभा निवडणुकीत महायुतीने...
सोलापूर जिल्ह्यात १७ हजार हेक्टर...सोलापूर ः गेल्या दोन वर्षांपासून सोलापूर जिल्हा...
नाशिक जिल्ह्यातील ४१ हजार हेक्टरवरील...नाशिक : जिल्ह्यात लष्करी अळीचा प्रादुर्भाव...
मराठवाड्यात ४१ हजार हेक्टरवरील मक्यावर...औरंगाबाद : अमेरिकन लष्करी अळीने औरंगाबाद व जालना...
सांगली जिल्ह्यात अमेरिकन लष्करी अळीने...सांगली ः जिल्ह्यात मक्यावर अमेरिकन लष्करी अळीचा...
लष्करी अळीच्या प्रादुर्भावाने नगर...नगर   ः गेल्या वर्षभरात दुष्काळाशी...
मोताळा, देऊळगावराजा तालुक्यात शंभर...बुलडाणा : खरिपात विदर्भात मका उत्पादनात...
साताऱ्यात अकराशे हेक्टरवरील मका पिकावर...सातारा : जिल्ह्यातील पूर्व भागात दुष्काळाची...
इंदापूर तालुक्यात अडीचशे हेक्टरवर...पुणे   ः गेल्या काही दिवसांपासून...
गुलटेकडीत टोमॅटोचे आवकेसह दरही वाढलेपुणे ः गेल्या आठ दिवसांत पावसाने दिलेल्या...