Agriculture story in marathi weekly weather advisary | Agrowon

ढगाळ हवामानासह धुके, थंडीच्या प्रमाणात वाढ होईल

डॉ. रामचंद्र साबळे 
शनिवार, 21 डिसेंबर 2019

महाराष्ट्रासह संपूर्ण भारतावर हवामान बदलाचा प्रभाव जाणवत असून थंडीची तीव्रता अद्यापही वाढताना दिसत नाही. हिंदी महासागरावर हवेच्या कमी दाबाचे क्षेत्र निर्माण होऊन वादळी वारे नैऋत्य दिशेकडून २३ डिसेंबर रोजी प्रवेश करून रत्नागिरी व रायगड जिल्ह्यांच्या भागातून पश्‍चिम महाराष्ट्रातील पुणे, अहमदनगर, नाशिक, धुळे, जळगाव, विदर्भाकडे मोठ्या प्रमाणावर ढग आणतील व ढगाळ वातावरण तयार करतील.

महाराष्ट्रासह संपूर्ण भारतावर हवामान बदलाचा प्रभाव जाणवत असून थंडीची तीव्रता अद्यापही वाढताना दिसत नाही. हिंदी महासागरावर हवेच्या कमी दाबाचे क्षेत्र निर्माण होऊन वादळी वारे नैऋत्य दिशेकडून २३ डिसेंबर रोजी प्रवेश करून रत्नागिरी व रायगड जिल्ह्यांच्या भागातून पश्‍चिम महाराष्ट्रातील पुणे, अहमदनगर, नाशिक, धुळे, जळगाव, विदर्भाकडे मोठ्या प्रमाणावर ढग आणतील व ढगाळ वातावरण तयार करतील.

२४ डिसेंबर रोजी विदर्भ भागावरही ढगाळ वातावरण राहील. त्यातूनच अल्पशा पावसाची शक्‍यता या भागात निर्माण होणे शक्‍य आहे. सकाळी काही भागांत धुक्‍याच्या प्रमाणात वाढ होईल. महाराष्ट्रावर १०१४ हेप्टापास्कल इतका हवेचा दाब संपूर्ण आठवडाभर राहील. त्यामुळे थंडीचे प्रमाण चांगले राहील. ही स्थिती २७ डिसेंबरपर्यंत कायम राहील. कोकणात किमान तापमान २० ते २२ अंश सेल्सिअस, उत्तर महाराष्ट्रात १७ ते १८ अंश सेल्सिअस, मराठवाड्यात १५ ते १८ अंश सेल्सिअस; विदर्भात १३ ते १६ अंश सेल्सिअस तर पश्‍चिम महाराष्ट्रात १६ ते १९ अंश सेल्सिअस राहील. 

उत्तर भारत ः काश्‍मीर भागात बर्फवृष्टी सुरूच राहील. दिल्ली, मध्यप्रदेश, उत्तर प्रदेश भागांवर हवामान ढगाळ राहून २३ ते २५ डिसेंबर व त्यापुढील काळात अल्पशा पावसाची शक्‍यता आहे. संपूर्ण उत्तर भारतातील भागात थंडीचे प्रमाण अधिक राहील. हवेचा दाब १०१६ ते १०१८ हेप्टापास्कल इतका अधिक राहील. तापमान घसरेल. 

दक्षिण भारत ः दक्षिण भारतावर १०१४ हेप्टापास्कल इतका हवेचा दाब राहण्यामुळे कर्नाटक, आंध्रप्रदेश, तेलंगणा भागांत थंडीचे प्रमाण चांगले राहील. तथापि आठवडाअखेर केरळ व तमिळनाडू भागात पावसाची शक्‍यता राहील. 

कोकण 
रायगड व ठाणे जिल्ह्यांत कमाल तापमान घसरेल व ते ३१ अंश सेल्सिअस राहील. तर रत्नागिरी जिल्ह्यात ते ३४ अंश सेल्सिअस राहील व सिंधुदुर्ग जिल्ह्यात ३४ अंश सेल्सिअस राहील. याउलट सिंधुदुर्ग जिल्ह्यात व रत्नागिरी जिल्ह्यांत किमान तापमानात घसरण होईल व ते २० ते २१ अंश सेल्सिअस राहील. मात्र, रायगड व ठाणे जिल्ह्यांत ते २२ अंश सेल्सिअस राहील. आकाश पूर्णतः ढगाळ राहील. हिंदी महासागराकडून अरबी समुद्राच्या उत्तर दिशेने वादळी वारे व ढग वाहत येऊन रत्नागिरी जिल्ह्यातून ही सर्व ढगांची दाटी प्रवेश करेल व तेथून पुढे पुणे, नाशिक, नगर या जिल्ह्यांत २३ डिसेंबर रोजी प्रवेश करतील व अल्पशा पावसाची शक्‍यता निर्माण करतील. सकाळची सापेक्ष आर्द्रता ६४ ते ८० टक्के तर दुपारची सापेक्ष आर्द्रता ३८ ते ४० टक्के राहील. वाऱ्याचा ताशी वेग ३ ते ५ किलोमीटर राहील. वाऱ्याची दिशा ईशान्येकडून राहील. 

उत्तर महाराष्ट्र 
धुळे व नंदूरबार जिल्ह्यांत किमाल तापमानात घसरण होईल व ते २३ ते २४ अंश सेल्सिअस राहील. जळगाव व नाशिक जिल्ह्यात कमाल तापमान २७ ते २८ अंश सेल्सिअस राहील. किमान तापमान नाशिक व नंदूरबार जिल्ह्यात १७ अंश सेल्सिअस राहील; तर धुळे व नंदूरबार जिल्ह्यांत ते १८ अंश सेल्सिअस राहील. आकाश पूर्णतः ढगाळ राहील. सकाळची सापेक्ष आर्द्रता ४९ ते ५६ टक्के राहील. तर दुपारची सापेक्ष आर्द्रता ३२ ते ३५ टक्के राहील. वाऱ्याचा ताशी वेग ६ ते ७ किलोमीटर राहील. या आठवड्यात दिनांक २३ व २४ डिसेंबर रोजी पावसाची शक्‍यता आहे. 

मराठवाडा 
जालना, बीड व औरंगाबाद जिल्ह्यांत कमाल तापमान घसरेल व ते २९ अंश सेल्सिअस राहील. लातूर, नांदेड, परभणी व हिंगोली जिल्ह्यांत कमाल तापमान ३१ अंश सेल्सिअस राहील; तर उस्मानाबाद जिल्ह्यात कमाल तापमान ३२ अंश सेल्सिअस राहील. उस्मानाबाद व लातूर जिल्ह्यांत किमान तापमान १५ अंश सेल्सिअस राहील. तर औरंगाबाद जिल्ह्यात ते १६ अंश सेल्सिअस राहील. उर्वरित सर्वच नांदेड, बीड, परभणी, हिंगोली जिल्ह्यांत किमान तापमान १८ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ५३ ते ६८ टक्के राहील तर दुपारची सापेक्ष आर्द्रता ३५ ते ३७ टक्के राहील. वाऱ्याचा ताशी वेग ७ ते १२ किलोमीटर राहील. वाऱ्याची दिशा अग्नेयेकडून राहील. वातावरण ढगाळ राहून अल्पशा पावसाची शक्‍यता निर्माण करेल. 

पश्‍चिम विदर्भ 
बुलडाणा व अकोला जिल्ह्यांत कमाल तापमानात घसरण होऊन ते २६ अंश सेल्सिअस राहील. तर अमरावती जिल्ह्यात ते २७ अंश सेल्सिअस राहील आणि वाशीम जिल्ह्यात २९ अंश सेल्सिअस राहील. किमान तापमानातही घसरण होऊन अमरावती जिल्ह्यात १४ अंश सेल्सिअस राहील. तर बुलडाणा, वाशीम व अकोला जिल्ह्यांत ते १५ अंश सेल्सिअस राहील. आकाश अंशतः ढगाळ राहील तर दुपारची सापेक्ष आर्द्रता ७५ ते ८० टक्के राहील तर दुपारची सापेक्ष आर्द्रता ५० ते ५५ टक्के राहील. वाऱ्याची दिशा आग्नेयेकडून राहील. 

मध्य विदर्भ 
नागपूर जिल्ह्यात कमाल तापमानात घसरण होऊन ते २६ अंश सेल्सिअस राहील तर यवतमाळ व वर्धा जिल्ह्यांत ते २७ अंश सेल्सिअस राहील. किमान तापमानात घसरण होईल व यवतमाळ जिल्ह्यात ते १४ अंश सेल्सिअस राहील तर वर्धा न नागपूर जिल्ह्यांत ते १५ ते १६ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता यवतमाळ व नागपूर जिल्ह्यांत ७५ टक्के राहील; तर वर्धा जिल्ह्यात ७८ टक्के राहील. दुपारची सापेक्ष आर्द्रता यवतमाळ व वर्धा जिल्ह्यांत ५० टक्के राहील तर नागपूर जिल्ह्यात ५५ टक्के राहील. वाऱ्याचा ताशी वेग २ किलोमीटर राहील. वाऱ्याची दिशा यवतमाळ जिल्ह्यात आग्नेयेकडून वर्धा जिल्ह्यात पूर्वेकडून तर नागपूर जिल्ह्यात ईशान्येकडून राहील. 

पूर्व विदर्भ 
चंद्रपूर, भंडारा व गोंदिया जिल्ह्यांत कमाल तापमान २६ अंश सेल्सिअस राहील तर गडचिरोली जिल्ह्यात कमाल तापमान २९ अंश सेल्सिअस राहील. भंडारा व गोंदिया जिल्ह्यांत किमान तापमान १३ ते १४ अंश सेल्सिअस राहील तर चंद्रपूर व गडचिरोली जिल्ह्यांत १५ अंश सेल्सिअस राहील. आकाश पूर्णतः ढगाळ राहील. सकाळची सापेक्ष आद्रता ८० ते ८५ टक्के राहील तर दुपारची सापेक्ष आर्द्रता ५० ते ५८ टक्के राहील. वाऱ्याचा ताशी वेग २ किलोमीटर राहील. वाऱ्याची दिशा आग्नेयेकडून भंडारा जिल्ह्यात ईशान्येकडून तर गोंदिया जिल्ह्यात पूर्वेकडून राहील. 

दक्षिण - पश्‍चिम महाराष्ट्र 
सातारा जिल्ह्यात कमाल तापमान ३० अंश सेल्सिअस, कोल्हापूर, पुणे, नगर या जिल्ह्यांत कमाल तापमान ३१ अंश सेल्सिअस तर सांगली जिल्ह्यात ३२ अंश व सोलापूर जिल्ह्यात ३४ अंश सेल्सिअस राहील. नगर व सातारा जिल्ह्यात किमान तापमान १६ अंश सेल्सिअस, पुणे जिल्ह्यात १७ अंश सेल्सिअस, सांगली जिल्ह्यात १८ अंश सेल्सिअस व कोल्हापूर आणि सोलापूर जिल्ह्यांत १९ अंश सेल्सिअस राहील. आकाश अंशतः ढगाळ राहील. सकाळची सापेक्ष आद्रता पुणे व नगर जिल्ह्यांत ५५ ते ५८ टक्के राहील. तर कोल्हापूर जिल्ह्यात ७५ टक्के राहील. दुपारची सापेक्ष आर्द्रता ३६ ते ३८ टक्के राहील. सोलापूर जिल्ह्यात वाऱ्याचा ताशी वेग १२ किलोमीटर राहील तर उर्वरित जिल्ह्यात ४ ते ९ किलोमीटर राहील. वाऱ्याची दिशा प्रामुख्याने आग्नेयेकडून व कोल्हापूर जिल्ह्यात ईशान्येकडून राहील. 

कृषी सल्ला ः 

  • उघड्यावर साठवलेले धान्य ताडपत्रीने झाकून ठेवावे. २३ ते २५ डिसेंबर दरम्यान हवामान बदल जाणवतील. 
  • ऊस पिकाला गरजेनुसार पाणी द्यावे. 
  •  हरभरा पिकाला फुले येण्याच्या अवस्थेत व घाटे भरण्याच्या अवस्थेत पाणी द्यावे. 
  • रब्बी हंगामात लागवड केलेल्या ऊस पिकात कांदा, फ्लॉवर, कोबी, झेंडू ही आंतरपिके घ्यावीत. 

 

 


इतर ताज्या घडामोडी
राज्यात २३ लाख क्विंटल अन्नधान्याचे वाटपमुंबई : कोरोनाच्या पार्श्वभूमीवर सुरू असलेल्या...
कोरोनाच्या जनुकीय आराखड्यासाठी प्रयत्न...नवी दिल्ली : ‘कोविड -१९' (कोरोना) विषाणूचा जनुकीय...
...अन् तामिळनाडूत महाराष्ट्रातील ऊसतोड...नवी दिल्ली : पोटाची खळगी भरण्यासाठी थेट...
‘लॉकडाउन’मध्ये कमाल... शेतकऱ्याच्या...गोंडपिपरी, जि. चंद्रपूर : लॉकडाउन न सारच थांबल......
मदतीच्या झऱ्याने ओलावले शिवार; अतिरिक्त...कोल्हापूर: दररोज निघणारा व बाजारपेठेत उठाव...
कृषीशास्त्रज्ञांचा व्हिडीओ...परभणी ः वसंतराव नाईक मराठवाडा कृषी विद्यापीठातील...
वरूडमध्ये ‘कोरोना’मुळे बागांतील...जालना : जवळपास दीडशे एकरवर विस्तारलेल्या...
वर्धा जिल्ह्यात दूध, भाजीपाल्यावर आयात...वर्धा ः विदर्भातील बहुतांश जिल्ह्यात ‘कोरोना’...
राज्यात कापूस खरेदी सुरू करण्याची मागणी वर्धा ः शेतकऱ्यांचा कापूस खरेदी करण्याबाबत सीसीआय...
हरभरा, तूर विक्रीसाठी गावातच नोंदणीची...अर्धापूर, जि. नांदेड : ‘‘‘कोरोना’च्या...
सिंधुदुर्ग जिल्ह्यातील ८५ व्यक्ती ‘होम...सिंधुदुर्ग : ‘‘‘होम क्वारंटाईन’ केलेल्या ८५...
घरातील कापूस खरेदी करा, महिला...परभणी : उन्हाळा सुरु झाला आहे. तापमानात वाढ...
सोलापुरात १२७ रुग्णांचे अहवाल निगेटिव्ह सोलापूर : ‘कोरोना’चे संशयित असलेल्या जिल्ह्यातील...
‘उजनी’तून सोडले सोलापूरसाठी पाणी सोलापूर : सोलापूर शहरातील लोकांना पिण्याच्या...
बीड जिल्ह्यातील तूर, हरभऱ्याची केवळ...बीड : ‘‘जिल्ह्यात हमी दराने तूर व हरभरा खरेदीसाठी...
सांगली जिल्ह्यात डाळिंबांच्या विम्याचे...सांगली : जिल्ह्यातील आटपाडी, जत, कवठेमहांकाळ,...
सांगली जिल्हा बॅंकेला ९१ कोटींवर नफा :...सांगली : ‘‘दुष्काळ, कर्ज वसुलीतील अडथळे, महापूर,...
सप्तश्रृंगगडावर परंपरेनुसार किर्तीध्वज...वणी, जि. नाशिक : सप्तशृंगगडावर दरवर्षी...
देवळा तालुक्यात हवामान बदलाचा कांद्याला...नाशिक : हवामान बदलामुळे ढगाळ राहिलेले वातावरण,...
नाशिक जिल्ह्यात उद्यापासून मोफत तांदूळ...नाशिक : ‘कोरोना’ संसर्गाच्या पार्श्वभूमीवर...