agricuture news in marathi, Father Farncis Debrato elected for Marathi Sahitya Sammelan | Agrowon

साहित्य संमेलनाच्या अध्यक्षपदी दिब्रिटो यांची निवड

टीम अॅग्रोवन
सोमवार, 23 सप्टेंबर 2019

लातूर :  उस्मानाबाद येथे होणाऱ्या आगामी अखिल भारतीय मराठी साहित्य संमेलनाच्या अध्यक्षपदी ज्येष्ठ साहित्यिक फादर फ्रान्सिस दिब्रिटो यांची एकमताने निवड करण्यात आली. साहित्य महामंडळाच्या रविवारी (ता. २२) झालेल्या बैठकीत एकमताने हा निर्णय घेण्यात आला. शिवाय, संमेलन १० ते १२ जानेवारी २०२० दरम्यान घेण्याचा निर्णयही या वेळी घेण्यात आला.

लातूर :  उस्मानाबाद येथे होणाऱ्या आगामी अखिल भारतीय मराठी साहित्य संमेलनाच्या अध्यक्षपदी ज्येष्ठ साहित्यिक फादर फ्रान्सिस दिब्रिटो यांची एकमताने निवड करण्यात आली. साहित्य महामंडळाच्या रविवारी (ता. २२) झालेल्या बैठकीत एकमताने हा निर्णय घेण्यात आला. शिवाय, संमेलन १० ते १२ जानेवारी २०२० दरम्यान घेण्याचा निर्णयही या वेळी घेण्यात आला.

या दोन्ही निर्णयांची अधिकृत घोषणा लवकरच उस्मानाबाद येथे पत्रकार परिषदेत केली जाणार आहे. अखिल भारतीय मराठी साहित्य महामंडळाचे आगामी साहित्य संमेलन उस्मानाबाद येथे होणार आहे. त्यामुळे महामंडळाची बैठक उस्मानाबाद येथे घेण्यात आली. या बैठकीत संमेलनाच्या अध्यक्षपदासाठी दिब्रिटो, भारत सासणे, प्रवीण दवणे, प्रतिभा रानडे या साहित्यिकांची नावे महामंडळाच्या घटक, संलग्न, समाविष्ट संस्थांनी ठेवली होती. यापैकी दिब्रिटो यांच्या नावावर शिक्कामोर्तब करण्यात आल्याची माहिती महामंडळातील सूत्रांनी दिली. 

पुण्यातील महाराष्ट्र साहित्य परिषदेने दिब्रिटो यांचे नाव संमेलनाध्यक्ष पदासाठी बैठकीत मांडले होते. आगामी साहित्य संमेलन मराठवाड्यात होत आहे, त्यामुळे संमेलनाध्यक्ष मराठवाड्यातील असणार, अशी चर्चा काही महिन्यांपासून साहित्य वर्तुळात रंगली होती. त्यामुळे निवृत्त न्यायमूर्ती नरेंद्र चपळगावकर, ना. धों. महानोर, सुधीर रसाळ, रा. रं. बोराडे ही नावे पुढे आली. यापैकी एकाला संमेलनाध्यक्ष पदाचा मान मिळणार, असे वाटत असतानाच बोराडे यांनी मराठवाडा साहित्य परिषदेला लेखी, रसाळ आणि महानोर यांनी तोंडी नकार दर्शवला. त्यानंतर आता चपळगाकर यांनीही पत्र पाठवून ''संमेलनाध्यक्षपदासाठी सध्या माझ्या नावाचा विचार करू नका'' असे पत्र परिषदेला पाठवले होते.

''नवा करार'' या भावानुवादाबद्दल दिब्रिटो यांना साहित्य अकादमीचा पुरस्कार मिळाला आहे. शिवाय राज्य सरकारनेही त्यांचा पुरस्कार देऊन सन्मान केला आहे. याआधी मराठी साहित्य ख्रिस्ती संमेलन, बंधुता साहित्य संमेलन, साहित्य-कलावंत संमेलनाचे अध्यक्षपद दिब्रिटो यांनी भूषविले आहे. ‘सकाळ’मध्ये ओसिसच्या शोधात (१९९५), दीपमाळ (२००१-०२), ऋणानुबंध (२०१०), नातीगोती (२०१२) हे त्यांचे सदर गाजले.

दिब्रिटो यांची निवडक साहित्य संपदा

  •  परिर्वतनासाठी धर्म
  •  पर्वतावरील प्रवचन
  •  सुबोध बायबल
  •  तेजाची पावले
  •  सृजनाचा मोहोर
  •  सजृनाचा मळा
  •  गोतावळा
  •  नाही मी एकला (आत्मचरित्र)

इतर ताज्या घडामोडी
गोरेगाव आणि देगावांतील शेतकऱ्यांच्या...अकोला  ः जिल्ह्यातील गोरेगाव व देगाव या दोन...
जळगाव जिल्ह्यात अर्ली केळी लागवड सुरूजळगाव  ः जिल्ह्यात यावल, रावेर, मुक्ताईनगर,...
...अखेर रुईखेड येथे हवामान केंद्र स्थापनअकोला  ः महावेध व हवामान आधारित फळपीक विमा...
चांदवड येथे शेतकरी संघटनेची कांदा परिषद...नाशिक  : केंद्रीय अन्न व नागरी पुरवठा मंत्री...
गोंदिया : नुकसानग्रस्तांचे डोळे लागले...सडक अर्जुनी, गोंदिया  ः खरीप हंगामात अवकाळी...
जळगाव : किसान सन्मानच्या लाभाची...जळगाव ः शासनाकडून राबविण्यात येणाऱ्या...
परभणी जिल्ह्यात नादुरुस्त बंधाऱ्यांमुळे...परभणी : जिल्हा परिषदेच्या लघू पाटबंधारे...
कर्जमुक्ती योजनेंतर्गत ७४६ शेतकऱ्यांचे...नाशिक : महात्मा ज्योतिराव फुले शेतकरी कर्जमुक्ती...
किसान सभेचे बिऱ्हाड आंदोलन मागेनाशिक  : दिंडोरी तालुक्यामध्ये गेल्या अनेक...
लातूर, उस्मानाबाद जिल्ह्यात हेक्‍टरी १०...उस्मानाबाद : दोन्ही जिल्ह्यातील कापूस व तुरीची...
पाणी सोडण्याविरुद्ध रेणा प्रकल्पस्थळी...रेणापूर, जि. लातूर : भंडारवाडी (ता. रेणापूर)...
वणवा नुकसानग्रस्तांना सिंधुदुर्ग ‘झेडपी...सिंधुदुर्ग : ‘‘वणव्यामुळे नुकसान झालेल्या...
सांगलीत ‘रोहयो’तून डाळिंब लागवडीला ‘...आटपाडी, जि. सांगली : पावणे दोन वर्षांत येथील...
पुणे जिल्ह्यात हरभऱ्याला रोग-किडीचा फटकापुणे ः रब्बी हंगामात वाफसा न झाल्याने अनेक...
नगर जिल्ह्यातील अतिवृष्टीग्रस्तांना मदत...नगर ः अतिवृष्टीमुळे झालेल्या पिकांच्या नुकसानीची...
पीकविम्याची रक्कम लवकरच ः कृषिमंत्री...मुंबई ः राज्यातील शेतकऱ्यांना १५ ते २० दिवसांच्या...
सातारा जिल्ह्यात अडीच महिन्यांत केवळ ४४...सातारा ः दुष्काळावर मात करण्यासाठी शासनाने सुरू...
मराठवाड्यातील दूध संकलनात घटऔरंगाबाद : मराठवाड्यातील दूध संकलनात गतवर्षी...
पहाटेच्या शपथविधीची विधानसभेत आठवणमुंबई ः देवेंद्र फडणवीस आणि अजित पवार यांनी...
मराठवाडी धरणग्रस्तांनी बंद पाडले धरणाचे...ढेबेवाडी, जि. सातारा : ‘आधी पुनर्वसन मगच धरण’ या...