आटपाडीत सातबारा नोंदीचे महसूलने भरवले शिबिर

आटपाडीत सातबारा नोंदीचे महसूलने भरवले शिबिर
आटपाडीत सातबारा नोंदीचे महसूलने भरवले शिबिर

आटपाडी, जि. सांगली  ः‘सातबाराशी संबंधित नोंदी रखडल्या’ या दैनिक ‘ॲग्रोवन’मधील बातमीची महसूल विभागाने गंभीर दखल घेऊन विविध प्रकारच्या नोंदी सुलभ आणि गतीने एकाच छताखाली करण्याच्या दृष्टीने तहसीलमध्ये आठ दिवसांचे शिबिर चालू केले. याला शेतकऱ्यांनी चांगला प्रतिसाद दिला असून, शेतकऱ्यांनीही रखडलेल्या नोंदणी करून घ्याव्यात, असे आवाहन तहसीलदार सचिन लंगुटे यांनी केली आहे.  चार दिवसांपूर्वी आटपाडी तालुक्‍यात एका एका तलाठ्याकडे सहा-सहा गावचा कारभार असल्यामुळे सातबारा संबंधीची शेतकऱ्यांची अनेक दिवसापासून कामे-नोंदी रखडल्या असल्याचे वृत्त प्रसिद्ध केले होते. याची महसूल विभागाने गांभीर्याने दखल घेतली आहे. सातबारा ऑनलाइन करताना अनेक चुका झाल्या आहेत. त्या दुरुस्तीसाठी शेतकरी अनेक दिवसांपासून हेलपाटे मारत आहे. तसेच वारस नोंदी, बॅंकांचा बोजा नोंद करणे, बोजा कमी करणे, अ.पा. नोंद करणे-कमी करणे, खरेदी-विक्रीच्या नोंदी, विविध प्रकारचे आदेशाच्या नोंदी प्रलंबित आहेत. त्या निकालात काढण्यासाठी महसूल विभागाने नोव्हेंबर २८ ते डिसेंबर ७ पर्यंत विशेष शिबिर भरवले आहे. एकाच ठिकाणी सारे एकत्र आणले आहेत. विधानसभा निवडणूक आणि अतिवृष्टीमुळे महसूल विभागाच्या नोंदी प्रलंबित राहिल्या होत्या. शिबिराला शेतकऱ्यांचा चांगला प्रतिसाद मिळत आहे.  मात्र शिबिरात सहीसाठी अनेक वेळा दुसरीकडे पाठवले जाते. काही प्रस्ताव तहसीलदारांच्या टेबलवर दोन दिवसांपासून सहीच्या प्रतीक्षेत आहे. शिबिरातील त्रुटी दूर करून शेतकऱ्यांची कामे सुलभ आणी गतीने करावीत, अशी मागणी आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com