agro agriculture news marathi Purchase of cotton for Rs 4900 to 5000 per quintal | Agrowon

कापसाची ४९०० ते ५००० रुपये दरात खेडा खरेदी

टीम अॅग्रोवन
गुरुवार, 5 डिसेंबर 2019

जळगाव  ः राज्यात कापूस पट्ट्यात कापसाचे दर स्थिर असून, खेडा खरेदीमध्ये शेतकऱ्यांना ४९०० ते ५००० रुपये प्रतिक्विंटलचे दर मिळत आहेत. १८ ते २२ टक्के आर्द्रतेच्या कापसाचे दर ४५०० रुपयांपर्यंत असल्याची माहिती मिळाली. खेडा खरेदी स्थानिक जिनिंग प्रेसिंग कारखानदार व किरकोळ व्यापारी करीत आहेत.

जळगाव  ः राज्यात कापूस पट्ट्यात कापसाचे दर स्थिर असून, खेडा खरेदीमध्ये शेतकऱ्यांना ४९०० ते ५००० रुपये प्रतिक्विंटलचे दर मिळत आहेत. १८ ते २२ टक्के आर्द्रतेच्या कापसाचे दर ४५०० रुपयांपर्यंत असल्याची माहिती मिळाली. खेडा खरेदी स्थानिक जिनिंग प्रेसिंग कारखानदार व किरकोळ व्यापारी करीत आहेत.

गुजरातमधील कारखानदार, व्यापारी किंवा निर्यातदारांचे एजंट खानदेश, औरंगाबादमधील फुलंब्री, सिल्लोड भागात खेडा खरेदी करीत नसल्याची स्थिती आहे. मागील वर्षी गुजरातमधील व्यापारी, कारखानदारांच्या एजंटकडून कापसाची मोठी खरेदी नोव्हेंबर ते जानेवारी यादरम्यान करण्यात आली होती. यंदा गुजरातमध्ये सूत व कापड उद्योगाला फटका बसल्याने सूत, रुईच्या व्यापारावर परिणाम झाला आहे. गुजरातमधील खंडीचे (३७० किलो रुई) दर राज्यातील खंडीच्या तुलनेत ४०० ते ५०० रुपयांनी कमी आहेत. खंडीला सध्या कमाल ४० हजार रुपयांचा दर गुजरात, महाराष्ट्र व मध्य प्रदेशात आहे. 

मध्य प्रदेश व गुजरातमध्ये कोरडवाहू क्षेत्रातील कापसाची वेचणी सुरू झाली आहे. यामुळे तेथील खरेदीदारांकडून राज्यातील पश्‍चिम विदर्भ, खानदेश व औरंगाबाद भागांत होणारी कापसाची खेडा खरेदी कमी झाली आहे. सध्या किरकोळ व्यापारी, स्थानिक जिनिंग प्रेसिंग कारखानदारांचे एजंट खेडा खरेदी करीत आहेत. भारतीय कापूस महामंडळाची खरेदी वेगात सुरू आहे. सीसीआयचे मलकापूर (जि. बुलडाणा), शिरपूर (जि. धुळे), जळगाव येथील केंद्र जोमात सुरू आहे. या केंद्रातील आवक वाढली आहे. सीसीआयच्या खानदेशातील आठ केंद्रांमध्ये मिळून सुमारे ५० हजार क्विंटल कापसाची खरेदी झाली आहे. सीसीआयच्या खरेदीची स्पर्धा असल्याने खेडा खरेदीमध्ये कापसाचे दर टिकून आहेत. खानदेश, पश्‍चिम  विदर्भ व औरंगाबादमधील फुलंब्री, सोयगाव, सिल्लोड या भागांत मिळून सुमारे १० लाख गाठींच्या कापसाची आवक जिनिंग प्रेसिंग कारखाने, किरकोळ खरेदीदारांकडे झाली आहे. 

शिरपूर, शहादा (जि. नंदुरबार), चोपडा (जि. जळगाव) या भागात गुजरात, मध्य प्रदेशातील कारखानदारांचे एजंट खरेदी करीत आहेत. शिरपूरमधील निमझरी व सातपुडा लगतच्या इतर गावांमध्ये मागील आठवड्यात कापसाला खेडा खरेदीत कमाल ५२०० रुपये प्रतिक्विंटलचा दर मिळाला. 

मध्य प्रदेशातील बडवानी, खरगोन व सेंधवा येथील बाजारात कापसाची आवक वाढली आहे. तेथेही दर कमाल ५२०० रुपये प्रतिक्विंटलपर्यंत आहेत. तर तेथे देशी कापसाचे दर ५५०० रुपये प्रतिक्विंटलपर्यंत आहेत. 

खानदेश, औरंगाबादमधील खानदेशलगतचा भाग, पश्‍चिम विदर्भात मिळून १०३ जिनिंग कारखाने सुरू आहेत. या जिनिंगमध्ये कापसाची आवक मागील आठवड्यात वाढली आहे. आंतरराष्ट्रीय बाजार स्थिर दिसत नसल्याने कारखानदार आपल्या जिनिंग प्रेसिंग कारखान्यात निम्म्या क्षमतेनेच कापसावर प्रक्रिया करीत असल्याचे सांगण्यात आले.

सरकीचे दर २२०० पर्यंत
सरकीचे दर मागील ३० ते ३५ दिवसांत क्विंटलमागे १००० ते ११०० रुपयांनी घसरले आहेत. परंतु, मागील आठ ते नऊ दिवसांपासून दर २२०० रुपयांवर स्थिर आहेत. सरकी दरांवरील दबाव वातावरण कोरडे व निरभ्र होईल, तोपर्यंत कायम राहू शकतो, असे सांगण्यात आले. 


इतर अॅग्रोमनी
थकीत खत अनुदान ३३ हजार कोटींवरखत उत्पादन उद्योगाचे प्रतिनिधित्व करणाऱ्या...
कापूस उत्पादक शेतकऱ्यांसाठी स्थिती...कापसाचा नवीन हंगाम (२०१९-२०) सुरू होऊन जवळपास दोन...
मध ठरू पाहतेय साखरेला पर्याय...खरंच ‘...नागपूर : साखरेमुळे वाढत चाललेल्या आरोग्याच्या...
कापसाची ४९०० ते ५००० रुपये दरात खेडा...जळगाव  ः राज्यात कापूस पट्ट्यात कापसाचे दर...
पपईला जागेवरच १८ रुपये प्रतिकिलो दरजळगाव ः खानदेशात पपईचा हंगाम सुरू झाला असून,...
गुजरातमधून मागणी मंदावल्याने गूळ दरांत...कोल्हापूर : गेल्या वर्षीच्या तुलनेत यंदा गुजरातला...
वाशीम : त्रुट्यांमुळे ‘किसान सन्मान’...वाशीम  ः पंतप्रधान किसान सन्मान निधी योजनेचा...
हळद, गवार बीच्या फ्युचर्स किंमतीत घटया सप्ताहात हरभरा, गवार बी, हळद व गहू यांच्या...
नागपुरी संत्रा चीनच्या 'प्रोटोकॉल'...नागपूर : माजी केंद्रीय कृषिमंत्री शरद पवार...
संकेश्‍वरी मिरचीचा ‘ठसका’ यंदा गायबकोल्हापूर : गेल्या महिन्यातील अतिवृष्टीने यंदा...
वायदा बाजारात सोयाबीन, कापसाच्या...या सप्ताहात खरीप मका, हळद, गवार बी यांच्यात घट...
कडधान्यातील स्वयंपूर्णता यंदा ठरणार...नवी दिल्ली ः देशात यंदा मॉन्सूनच्या उशिरा...
देशात रब्बी मूग पेरणीत २९ टक्के घटनवी दिल्ली: देशात रब्बी हंगामाच्या पेरणीला...
सोयाबीनशिवाय सर्व पिकांच्या वायदा...या सप्ताहात गहू व गवार बी वगळता इतर सर्व...
राज्यात कापूस दर हमीभावापेक्षा कमीचजळगाव  ः राज्यात कापसाचे दर हमीभावापेक्षा...
‘कॉन्टॅक्टलेस लेंडिंग’ पद्धतीची...नोव्हेंबर २०१६ मध्ये सरकारने ५०० आणि १०००...
चौदा गुंठ्यांतील वैविध्याने अर्थकारणाला...पाच एकर शेतीचे नियोजन करताना ऊस, आले, केळी अशा...
तीन वर्षांत हळदीच्या दरात दीड हजार...सांगली ः सांगली जिल्ह्यासह अन्य भागांत  ...
मका, हळद, गव्हाच्या किमतीमध्ये वाढरब्बी मक्याच्या बाजारातील स्पॉट किमती सध्या...
पाडव्याच्या मुहूर्तावर कोल्हापुरात...कोल्हापूर  : कोल्हापूर कृषी उत्पन्न बाजार...