पुणे बाजार समितीत तैवान पिंक पेरूची आवक

Taiwan Pink Peru coming at Pune Market Committee
Taiwan Pink Peru coming at Pune Market Committee

पुणे : राज्यात सध्या पेरूचा हंगाम सुरू झाला असून, स्थानिक वाणांसह तैवान पिंक पेरूचीदेखील आवक बाजारपेठेत सुरू झाली आहे. गेल्या महिन्यापासून तुरळक होणारी ही आवक आता वाढली असून, दररोज सुमारे ३०० बॉक्स आवक होत आहे.

आकाराने मोठ्या आणि वजनाला सरासरी ५०० ग्रॅम वजन असलेल्या या पेरूला किलोला ५० रुपयांचा दर मिळत असल्याची माहिती अडतदार सचिन भोईबार यांनी दिली. सोमवारी (ता. २५) सुमारे ३०० बॉक्स तैवान पिंक पेरूची आवक झाली होती. 

भोईबार म्हणाले, की बाजारात सध्या पेरूचा हंगाम सुरू झाला असून, पुणे जिल्ह्यातील शिरूर, बारामती, सासवड, पुरंदर भागांतून स्थानिक पेरूची आवक होत आहे. हा पेरू आकाराने मोठा वजनाला किमान ४०० ते ५०० ग्रॅम असून, आतून फिकट गुलाबी आहे. चवीला स्थानिक वाणापेक्षा कमी गोड असतो. ग्राहकांची मानसिकता ही लहान पेरू घेण्याची असल्याने याला विशेष मागणी नसल्याचेही त्यांनी सांगितले.

किरकोळ फिरत्या विक्रेत्यांकडून याला मागणी आहे.  याबाबत शेतकरी तानाजी रासकर (इंदापूर) म्हणाले, की मी तैवान पिंक पेरूच्या ३०० रोपांची लागवड केली आहे. गेल्या दोन महिन्यांपासून पेरूचे उत्पादन सुरू झाले असून, आठवड्याला दोन वेळा काढणी होते. एका तोडणीमध्ये ३० ते ५० बॉक्स माल निघतो. हंगामात पहिल्यांदा ६० रुपये किलो दर मिळाला. आता हा दर ४० ते ५० रुपये मिळत आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com