Jalgaon Milk Sangh : जळगाव जिल्हा दूध संघाने बल्क कूलिंग सेंटरच्या दुध दरात प्रतिलिटर ३० टक्क्यांनी वाढ केली आहे. संचालकांच्या बैठकीत हा निर्णय घेण्यात आला.
जिल्हा दूध संघाच्या संचालक मंडळाची बैठक झाली. जिल्हा दूध संघाचे अध्यक्ष तथा आमदार मंगेश चव्हाण (MLA Mangesh Chavan) अध्यक्षस्थानी होते. बैठकीच्या अजेंड्यावरील ३७ विषय मंजूर करण्यात आले.
जिल्हा दूध संघातर्फे बल्क कूलिंग सेंटरच्या दरात ३० टक्क्यांनी वाढ करण्यात आली आहे. यापूर्वी कूलिंग सेंटरला ३० पैसे प्रतिलीटरप्रमाणे दर दिला जात होता.
तो आता ४३ पैसे प्रतिलीटरप्रमाणे देण्यात येणार आहे. जिल्ह्यात तब्बल २२ बल्क कूलिंग सेंटर आहेत. पाच वर्षांपासून दरवाढीची मागणी होत होती. प्रथमच ती मंजूर करण्यात आली आहे.
संजय पवार, मधुकर राणे, रोहित निकम, रावसाहेब भोसले, ठकसेन पाटील, नितीन चौधरी, प्रमोद पाटील, दिलीप वाघ, पराग मोरे, श्‍यामलताई झांबरे, पूनम पाटील, छाया देवकर, रमेश पाटील, शैलेश मोरखडे उपस्थित होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
