Ratnagiri News : रत्नागिरी बाजार समितीच्या (Ratnagiri Market Committee) १७ जागांसाठी ४६ उमेदवारी अर्ज दाखल झाले. यामध्ये सर्वपक्षीय सहकार पॅनेल बनविण्यासाठी प्रयत्न सुरू असले तरीही अपेक्षित जागा न मिळाल्याने शिवसेनेच्या ठाकरे गटाकडून पंधरा जागांवर उमेदवार उभे केल्यामुळे निवडणुकीत रंगत आली आहे.
सहकार क्षेत्रातील महत्त्वाची निवडणूक म्हणून बाजार समितीकडे पाहिले जाते. या निवडणुकीतही शिवसेना शिंदे गटासह ठाकरे गटाकडूनही अर्ज दाखल करण्यात आले आहेत.
यापूर्वी सर्वपक्षीय सहकार पॅनेल उभे केले जात होते. त्यामुळे बहुसंख्य जागा बिनविरोध होत होत्या. यंदाही त्यादृष्टीने नियोजन सुरू झाले आहे; इतर मागासवर्गीय (ओबीसी) आणि आर्थिक दुर्बल घटक या दोन जागांसाठी एकही अर्ज भरला गेलेला नाही.
व्यापारी गटातून दोन जागांसाठी दोनच अर्ज आले. १५ जागांसाठी निवडणूक निश्‍चित झाली आहे. यामध्ये राष्ट्रवादी काँग्रेस, काँग्रेस, शिवसेना आणि भाजप यांचे सहकार पॅनेल निश्‍चित झाले आहे. ठाकरे गटालाही यामध्ये समाविष्ट करून घेण्यासाठी चर्चा सुरू आहे.
पॅनेलचे अधिकार जिल्हा बँकेचे अध्यक्ष डॉ. तानाजीराव चोरगे, उपाध्यक्ष बाबाजी जाधव यांच्याकडे देण्यात आले. अर्ज माघारीची मुदत २० एप्रिलपर्यंत आहे. तोपर्यंत पॅनेलमध्ये सहभागी होण्याचा निर्णय ठाकरे गटाकडून अपेक्षित आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
