Indapur News : ‘‘तालुक्यातील अपूर्ण घरकुल (Gharkul Scheme) असलेल्या लाभार्थ्यांचे ग्रामपंचायत स्तरावर मेळावे घेऊन त्यांना घरकुले पूर्ण करण्यासाठी त्यांना आवश्यक सेवा मिळवून देण्यासाठी प्रयत्न करावेत,’’ असे आवाहन पुणे जिल्हा परिषदेचे मुख्य कार्यकारी अधिकारी आयुष प्रसाद (Ayush Prasad) यांनी केले.
इंदापूर पंचायत समितीच्या (indapur Panchyat Samiti) सभागृहात तालुक्यातील अपूर्ण घरकुलांचे कामकाज आढावा बैठक आयोजित करण्यात आली होती. याप्रसंगी आयुष प्रसाद बोलत होते.
यावेळी पंचायत समितीचे गटविकास अधिकारी विजयकुमार परीट, विस्तार अधिकारी तेजस जगताप यांच्यासह तालुक्यातील विविध ग्रामपंचायतींचे सरपंच, ग्रामसेवक, रोजगारसेवक व इतर मान्यवर उपस्थित होते.
यावेळी बोलताना प्रसाद म्हणाले, की इंदापूर तालुक्यामध्ये एक हजारांहून अधिक घरकुलाचे काम अपूर्ण आहे, तर काही ठिकाणी लाभार्थ्यांनी घरकुल मंजूर झालेले असतानाही कामच सुरू केलेले नाही.
हा काम मार्गी लावण्यासाठी पदाधिकारी व प्रशासन यांच्याकडून प्रयत्न होणे आवश्यक आहे. ३१ मार्च २०२३ पर्यंत अपूर्ण घरकुले पूर्ण करण्यासंदर्भात ग्रामपंचायतीने नियोजन करण्याच्या सूचनाही त्यांनी यावेळी दिल्या.
तालुक्यातील ३० ग्रामपंचायतीअंतर्गत १००० पेक्षा जास्त घरकुले अपूर्ण आहेत. त्याबाबत उपाययोजना करून संबंधितांची घरकुले पूर्ण करण्यासाठी प्रोत्साहित करावे व आठ मार्च या जागतिक महिला दिनाच्या औचित्य साधून मोठ्या प्रमाणावर गृहप्रवेश उपक्रम राबवावा, असेही आवाहन त्यांनी यावेळी उपस्थित त्यांना केले.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
