Sangli Onion Rate : कांद्याला दर नसल्याने अनुदान देण्यात येणार आहे. हे अनुदान मिळावे यासाठी सांगली बाजार समितीकडे तीन हजार ९५० शेतकऱ्यांनी अर्ज केले आहेत. शेतकऱ्यांचे अर्ज ऑनलाइन भरण्याचे काम प्रशासनाकडून सुरू असल्याची माहिती बाजार समितीच्या सूत्रांनी दिली.
जानेवारी ते मार्च या कालावधीत कांद्याला दर नसल्याने शासन प्रति क्विंटल ३५० रुपये अनुदान देणार आहे. एका शेतकऱ्याला २०० क्विंटलच्या मर्यादेत म्हणजे जास्तीत जास्त ७० हजार रुपये अनुदान दिले जाईल. या अनुदानासाठी अर्ज करण्यासाठी बाजार समिती, खासगी बाजार समिती, नाफेड खरेदी केंद्र आदी ठिकाणांची कांदा विक्री ग्राह्य धरण्यात येत आहेत.
सांगली बाजार समितीत प्रामुख्याने नगर, पुणे, सोलापूर, सातारा, धाराशिव, नाशिक या जिल्ह्यांतील कांदा उत्पादक शेतकरी कांदा विक्रीसाठी घेऊन येतात. सांगली बाजार समितीकडे ३ हजार ९५० शेतकऱ्यांनी अर्ज केले आहेत. यामध्ये सांगली जिल्ह्यातील कांदा उत्पादकांचे केवळ दोन टक्केच अर्ज आहेत.
कांदा अनुदानासाठी पात्र शेतकऱ्यांची माहिती ऑनलाइन भरण्याचे काम सुरू आहे. तीन दिवसांत ऑनलाइन माहिती भरून झाल्यानंतर शासनाकडे हा अहवाल सादर होणार आहे. त्यानंतर संबंधित शेतकऱ्यांच्या खात्यावर अनुदान जमा होणार आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
