Onion Rate : दर पडल्याने शेतकऱ्याने होळी दिवशीच पेटवला कांदा

कांद्याच्या प्रश्नाकडे केंद्र आणि राज्य सरकारचे लक्ष वेधण्यासाठी डोंगरे यांनी टोकाचे पाऊल उचले आहे.
Onion Rate
Onion RateAgrowon

Nashik Onion News : राज्यातील कांदा उत्पादक शेतकरी कांद्याचे दर (Onion Rate) कोसळल्याने संताप व्यक्त करत आहेत. उत्पादन खर्चही वसूल होत नसल्याने नाशिक जिल्ह्यातील येवला तालुक्यातील शेतकरी कृष्णा डोंगरे यांनी कांदा पेटवून देत संताप व्यक्त केला. ६ मार्च रोजी सकाळी ११ वाजता डोंगरे यांनी कांदा पेटवून दिला.

कांद्याच्या प्रश्नाकडे केंद्र आणि राज्य सरकारचे लक्ष वेधण्यासाठी डोंगरे यांनी टोकाचे पाऊल उचले आहे. डोंगरे यांनी शेतात सहकुटुंब एकत्र येत होळीचे औचित्य साधून दीड एकर क्षेत्रावरील कांद्याची होळी केली.

बाजारात कांद्याला मातीमोल भाव मिळत असल्याने त्यांनी हा निर्णय घेतला. यावेळी डोंगरे यांच्या शेतात शेतकरी मोठ्या प्रमाणात उपस्थित होते. महिलांचा सक्रिय सहभाग यावेळी पाहायला मिळाला.

Onion Rate
Onion Rate : दोन दिवसांत कांदा अनुदान, दरवाढीसाठी निर्णय घ्या

डोंगरे म्हणाले की, "गेल्या पंधरा दिवसांपूर्वी कांदा अग्निडाग समारंभाची पत्रिका सोशल मीडियावर टाकली होती. ती प्रचंड व्हायरल झाली. राज्यातील मंत्र्यांपर्यंत ती निमंत्रण पत्रिका पोहचली असतानाही त्यांना याची दखल घेतली नाही.

मुख्यमंत्री साहेबांनाही या कार्यक्रमासाठी बोलवले होतं, पण त्यांना सत्तासंघर्षातून वेळ मिळाला नाही. राज्य सरकार कांदा उत्पादक शेतकऱ्यांकडे दुर्लक्ष करत आहे. शेतकरी जगाला काय मेला काय केंद्र-राज्य सरकारला देणंघेणं नाही."

"आज राज्यात कांद्याला मातीमोल भाव मिळत आहे. कांदा बाजारात नेला तर शेतकऱ्यांच्या खिशातून पैसे द्यावे लागत आहेत. त्यामुळे माझ्यावर कांदा जाळण्याची वेळ आली.

केंद्र-राज्य सरकारचने दखल घेतली नाही. नाफेड खरेदीही शेतकरी विरोधी आहे. ती ग्राहकांसाठी काम करते," अशी संतप्त भावनाही डोंगरे यांनी यावेळी व्यक्त केली.

Onion Rate
Onion Rate : राज्यात कांदा प्रश्न बिकट होण्याच्या मार्गावर

शेतकरी कृष्णा डोंगरे यांनी अग्निडागची पत्रिका सोशल मीडिया टाकली होती. त्यामध्ये ६ मार्चला होळीचे औचित्य साधून कांदा अग्निडाग करण्याचे जाहीर केले होते.

कांद्याच्या प्रश्नाकडे लक्ष वेधण्यासाठी राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस यांना अग्निडागचे आमंत्रण डोंगरे यांच्याकडून देण्यात आले होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com