Satara News : काळोली येथे नव्याने उभारण्यात येणारे लोकनेते बाळासाहेब देसाई बहुउद्देशीय कृषी संकुल येत्या काळात शेतकऱ्यांसाठी मार्गदर्शक व कृषी क्षेत्राला (Agriculture Sector) नवीन दिशा देण्याचे काम करेल, असा विश्वास राज्य उत्पादन शुल्क तथा पालकमंत्री शंभूराज देसाई (Shambhuraj Desai) यांनी व्यक्त केला.
जिल्हा नियोजन समितीच्या नावीन्यपूर्ण योजनेंतर्गत लोकनेते बाळासाहेब देसाई बहुउद्देशीय कृषी संकुल काळोली (ता. पाटण) येथे नव्याने उभारण्यात येणार आहे. याचे भूमिपूजन पालकमंत्री श्री. देसाई यांच्या हस्ते झाले. यावेळी ते बोलत होते.
याप्रसंगी पोलिस अधीक्षक समीर शेख, जिल्हा अधीक्षक कृषी अधिकारी विजयकुमार राऊत, कार्यकारी अभियंता संजय सोनवणे यांच्यासह कृषी विभागातील अधिकारी, शेतकरी उपस्थित होते.
कृषी उत्पन्न वाढीबरोबरच शेतकऱ्यांच्या शेतात पिकविलेला माल चांगल्या दराने विकला जाण्यासाठी आवश्यक असणारे प्रक्रिया, पॅकिंग, ग्रेंडिंग यांसह विक्रीची व्यवस्था निर्माण करण्याचे काम या संकुलामार्फत केले जाणार आहे.
पाटण परिसरातील शेतकरी गट, महिला बचत गट, शेतकरी उत्पादक कंपन्या इत्यादींना वेगवेगळ्या विषयावरील प्रशिक्षण या संकुलातील सुसज्ज अशा प्रशिक्षण केंद्रामार्फत देण्याचा मानस असल्याचेही पालकमंत्री श्री. देसाई यांनी सांगितले.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
