Satara News : पाटण तालुक्यात वन्यप्राण्यांमुळे झालेले शेतीचे नुकसान (Crop Damage) व पशुहानी यांचे पंचनामे (Crop Damage Survey) आठ दिवसांत पूर्ण करण्याच्या सूचना राज्य उत्पादन शुल्कमंत्री तथा सातारा जिल्ह्याचे पालकमंत्री शंभूराज देसाई (Shambhuraj Desai) यांनी दिले आहेत.
जिल्हाधिकारी कार्यालयात पाटण तालुक्यातील वन्य प्राण्यांमुळे शेती व जीवितांच्या होणाऱ्या हानीबाबत करावयाच्या उपाययोजनांविषयी आढावा बैठक संपन्न झाली. त्यावेळी त्यांनी या सूचना दिल्या.
यावेळी बैठकीस जिल्हाधिकारी रूचेश जयवंशी, पोलिस अधीक्षक समीर शेख, सह्याद्री व्याघ्र प्रकल्पाचे उपसंचालक उत्तम सावंत, अतिरिक्त मुख्य कार्यकारी अधिकारी महादेव घुले, निवासी उपजिल्हाधिकारी प्रशांत आवटे यांच्यासह संबंधित विभागांचे अधिकारी उपस्थित होते.
कृषी, वन आणि महसूल विभागाने संयुक्त पंचनामे करून त्याचा अहवाल सादर करावा, असे सांगून पालकमंत्री श्री. देसाई म्हणाले, गवे, रानडुक्कर यांच्याकडून पाटण तालुक्यात शेतीचे नुकसान होत आहे, तसेच कोयना नदी काठावरील मगरींच्या वावरांमुळे नागरिकांमध्ये भीतीचे वातावरण असून, याविषयी वन विभागाने कारवाई करावी.
तसेच, झालेल्या शेतीचे नुकसानीचे पंचनामे पूर्ण झाल्यानंतर भरपाईची कार्यवाही तातडीने करावी. सौर कुंपण बसविण्याचे प्रस्तावही तयार करून सादर करावा, असेही ते म्हणाले.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
