MLA Subhash Deshmukh : पिकांची उत्पादकता वाढण्यासाठी जनजागृती मोहीम राबवा

Kharif Season : आगामी खरीप हंगामाच्या पार्श्वभूमीवर महाडीबीटी योजनेमार्फत कृषी योजनांचा लाभ अधिकाधिक शेतकऱ्यांना द्यावा.
MLA Subhash Deshmukh
MLA Subhash Deshmukhagrowon

Kharif Season Update Solapur News : आगामी खरीप हंगामाच्या पार्श्वभूमीवर महाडीबीटी योजनेमार्फत कृषी योजनांचा लाभ अधिकाधिक शेतकऱ्यांना द्यावा, तसेच खरीपासह रब्बी हंगामातील पिकांचे हेक्टरी उत्पादन वाढवण्यासाठी शेतकऱ्यांसाठी जनजागृती मोहीम राबवा, अशा सूचना आमदार सुभाष देशमुख यांनी केल्या.

MLA Subhash Deshmukh
Crop Advisory : उन्हाळी पीक व्यवस्थापनासाठी सल्ला

दक्षिण सोलापूर तालुक्यातील खरीप हंगाम २०२२-२३ साठी खरीप पूर्व आढावा बैठक पार पडली. त्यामध्ये आमदार देशमुख यांनी ही सूचना केली.

या आढावा बैठकीस उपविभागीय कृषी अधिकारी जयवंत कवडे, तालुका कृषी अधिकारी रामचंद्र माळी, कृषी विज्ञान केंद्राचे वरिष्ठ शास्त्रज्ञ डॉ. लालासाहेब तांबडे, तहसीलदार गायकवाड, गटविकास अधिकारी वाघ, डॉ. व्ही.टी.जाधव, आहारतज्ज्ञ डॉ. ज्योती पाटील, कृषी अधिकारी श्रीमती शिल्पा कसबे, मळसिद्ध मुगळे आदी उपस्थित होते.

श्री. देशमुख म्हणाले, की तालुक्यात युरियासह सर्व खतांची पुरेशी उपलब्धता ठेवा, शेतकऱ्यांच्या तक्रारी येता कामा नये, त्याशिवाय तालुक्यात जमिनी सुधारणा, प्रक्रिया उद्योग, कृषी पर्यटन केंद्र वाढीसाठी विशेष प्रयत्न व्हायला हवेत, त्यासाठी आवश्यक ते साह्य देऊ, असेही ते म्हणाले.

यावेळी तालुका कृषी अधिकारी माळी यांनी शेतकऱ्यांसाठी राबवण्यात येणाऱ्या योजना, लागवड तंत्रज्ञान, विशेष मोहीम याबद्दल सविस्तर सादरीकरण केले.

डॉ. ज्योती पाटील यांनी आहारातील पौष्टिक तृणधान्याचे महत्त्व व आहार व्यवस्थापन, डॅा. तांबडे, डॉ.जाधव यांनी खरीप हंगामातील कडधान्य पिकांचे लागवड तंत्रज्ञानाविषयी मार्गदर्शन केले. कृषी सहायक अशोक राठोड यांनी सूत्रसंचालन केले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com