Mango Crop Damage : आंबा, काजू पिकांचे वादळी वाऱ्यामुळे नुकसान

महिनाभरात तीनदा वादळी वाऱ्यांमुळे आंबा, काजू बागायतदारांचे कोट्यवधींचे नुकसान झाले. कृषी विभागाने पंचनामे करावेत, अशी मागणी शेतकऱ्यांकडून केली जात आहे.
Mango Crop Damage
Mango Crop DamageAgrowon

Sindhudurg News : गेले दोन दिवस सुरू असलेल्या वादळी वाऱ्याने होत्याचे नव्हते केले. हातातोंडाशी आलेला आंबा (Mango), काजू (Cashew) बागायतदारांचा घास या वाऱ्याने हिरावून घेतला आहे.

महिनाभरात तीनदा वादळी वाऱ्यांमुळे आंबा, काजू बागायतदारांचे कोट्यवधींचे नुकसान झाले. कृषी विभागाने पंचनामे करावेत, अशी मागणी शेतकऱ्यांकडून केली जात आहे.

जिल्ह्याच्या वातावरणात अचानक बदल होऊन दोन दिवस पहाटे तीनपासून वादळी वाऱे वाहिले. मंगळवारी (ता. ७) दहापर्यंत सोसाट्याचे वारे होते. परंतु त्यानंतर वाऱ्याची गती कमी झाली.

परंतु बुधवारी (ता. ८) पहाटे दोनपासूनच वादळी वारे वाहण्यास सुरुवात झाली. या वाऱ्यामुळे आंबा, काजू बागायतदारांचा हातातोंडाशी आलेला घास हिरावून घेतला आहे.

Mango Crop Damage
Mango Damage : रायगड जिल्ह्यात पावसामुळे आंबा पीक धोक्‍यात

कोवळे काजू बी तर मोठ्या प्रमाणात गळून पडले आहे. काही ठिकाणी काजुच्या झाडांच्या फांद्यादेखील मोडून पडल्या आहेत. काजुच्या झाडांखाली कोवळ्या काजू बीचा खच पडल्याचे चित्र अनेक बागांमधून पाहायला मिळत आहे.

उष्णतेच्या लाटेचा अंदाज

हवामान विभागाने सिंधुदुर्गात पुढील दोन दिवस उष्णतेच्या लाटेचा अंदाज दिला आहे. सरासरीपेक्षा चार ते पाच अंशांनी तापमानात वाढ होण्याची शक्यता हवामान विभागाने वर्तविली आहे.

वादळी वाऱ्यामुळे आंब्याची फळे गळून पडली असतील तर बागायतदारांनी ती तत्काळ उचलून त्याची विल्हेवाट लावणे गरजेचे आहे. जेणेकरून फळमाशींचा प्रादुर्भाव रोखण्यास मदत होईल. याशिवाय तापमान वाढदेखील झालेली आहे. त्यामुळे ज्या आंबा बागायतदारांना शक्य आहे. त्यांनी सकाळी लवकर किवा सायकांळी झाडांना पाणी द्यावे त्याचा चांगला परिणाम दिसून येईल.
डॉ. विजय दामोदर, शास्त्रज्ञ, आंबा संशोधन उपकेंद्र, रामेश्‍वर, ता. देवगड
वादळी वाऱ्याने काजू पिकांचे मोठे नुकसान झाले आहे. महिनाभरात तिसऱ्यांदा काजू पिकांचे नुकसान झाले असून काजू बागायतदार हतबल झाले आहेत. तरी काजू नुकसानीचे कृषी विभागाने पंचनामे करावेत, अशी आमची मागणी आहे.
मंगेश गुरव, काजू बागायतदार, खांबाळे

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com