Rain Update : परभणी -हिंगोली जिल्ह्यांतील अनेक मंडलांत गुरुवार (ता.१६) सकाळी आठ पर्यंतच्या २४ तासांत ढगांच्या गडगडाटात वेगाच्या वाऱ्यासह हलका ते मध्यम पाऊस झाला.
गेल्या आठवड्यापासून या दोन जिल्ह्यांत अधून मधून अवकाळी पाऊस, वाऱ्यामुळे ज्वारी, गहू, हरभरा, करडई आदी रब्बी पिके तसेच हळदीच्या सुगीच्या कामांचा खोळंबा झाला आहे. पावसाच्या सावटामुळे शेतकऱ्यांच्या अडचणी वाढल्या आहेत.
सध्या या दोन जिल्ह्यांत रब्बी ज्वारी, गहू, हरभरा, करडई या पिकांची सुगी सुरू आहे. हळद काढणीची कामे सुरू आहेत. फरदड कापसाची वेचणी सुरु आहे. अवकाळी पाऊस वाऱ्यामुळे शेतातील पिके आडवी झाली. काढणी केलेली ज्वारी, गहू, हरभरा पिके भिजली.
शेतातील कापूस भिजला. आंबा, संत्रा, पेरू आदींची फळगळ झाली. टरबूज, खरबूज वेल तुटले. त्यामुळे शेतकऱ्यांचे नुकसान झाले.
पावसात भिजून नुकसान होऊ नये यासाठी काढणी केलेली शेतातील पिके झाकून ठेवण्यासाठी शेतकऱ्यांची तारांबळ उडाली. अजून काही दिवस पावसाची शक्यता वर्तविली आहे. अवकाळी पावसामुळे कामात अडथळे येत असल्याने सुगी लांबत चालली आहे.
परभणी, हिंगोली जिल्ह्यांतील या भागात पाऊस...
परभणी, हिंगोली जिल्ह्यांतील अनेक मंडलात बुधवारी (ता. १५) दुपारपासून ढगाळ वातावरण होते. अनेक भागांत रात्री तुरळक प्रमाणात पाऊस झाला.
गुरुवारी (ता. १६) पहाटे चार वाजल्यापासून ते सकाळी आठपर्यंत परभणी जिल्ह्यातील परभणी, जिंतूर, पाथरी, मानवत, पूर्णा आदी तालुक्यांतील अनेक गावांत, तर हिंगोली जिल्ह्यातील औंढा नागनाथ, वसमत, कळमनुरी, सेनगाव, हिंगोली आदी तालुक्यातील आदी तालुक्यांतील अनेक गावांत ढगांच्या गडगडाटात, वाऱ्यासह रिमझिम पाऊस झाला.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
