Dhule Bibtya Attack : सामोडे येथून जवळच असलेल्या जेबापूर (ता. साक्री) शिवारातील शेतात असलेल्या झोपडीमधील बांधलेल्या शेळ्यांवर बिबट्याने हल्ला करीत तब्बल अकरा शेळ्या फस्त केल्या. यामध्ये आठ शेळ्या व तीन बोकडांचा समावेश आहे.
पिंपळनेर येथील नंदकुमार ढोले यांचे जेबापूर शिवारात शेत असून, शेतातील झोपडीत बांधलेल्या शेळ्यांवर वन्यप्राणाने मध्यरात्रीच्या सुमारास हल्ला करून त्यांना ठार केले आहे. ही घटना नुकतीच उघडकीस आल्यानंतर त्यांनी पिंपळनेर वन विभागाला घटनेची माहिती दिली.
त्यानंतर पिंपळनेर वन विभागाचे पथक घटनास्थळी दाखल होऊन त्यांनी पंचनामा केला. शेतात दोन झोपड्या आहेत. यापैकी एका झोपडीमध्ये शेळ्या बांधलेल्या होत्या. पशुपालकाचे मोठे नुकसान झाले असून, भरपाई मिळावी, अशी मागणी होत आहे.
जैबापूरसह सामोडे, चिकसे व म्हसदी (प्र. पिंपळनेर) आदी गावांतील शिवारामध्ये बिबट्याचे दर्शन शेतकऱ्यांना होत असते. या संदर्भात वन विभागाला वेळोवेळी कळविले असून, त्याच्यावर कुठलीही कारवाई होत नसल्याने अनेक शेतकऱ्यांचे लहान-मोठे प्राण्यांचे बळी गेले आहेत.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
