Amravati News : कृषी अभियांत्रिकी पदवीचे (Degree in Agricultural Engineering) शिक्षण घेणाऱ्या आणि घेतलेल्या विद्यार्थ्यांच्या मागण्यांचा सहानुभूतीपूर्वक विचार करून त्या सोडविण्यात याव्यात, अशी मागणी महाराष्ट्र राज्य कृषी अभियांत्रिकी संघटनेच्या वतीने करण्यात आली आहे.
कृषिमंत्री अब्दुल सत्तार (Agriculture Minister Abdul Sattar) अमरावती दौऱ्यावर असताना त्यांना मागण्यांचे निवेदन देण्यात आले.
कृषी अभियांत्रिकी शाखा विद्यार्थ्यांच्या विविध मागण्यांना घेऊन राज्यातील कृषी विद्यापीठांमध्ये गेल्या २५ जानेवारीपासून आंदोलन केले जात आहे.
त्या पार्श्‍वभूमीवर कृषी अभियांत्रिकी संघटनेच्या वतीने कृषिमंत्री अब्दुल सत्तार यांची भेट घेत याप्रश्‍नी सरकारने सकारात्मक राहून प्रश्‍न मार्गी लावावा, अशी अपेक्षा व्यक्‍त करण्यात आली.
निवेदनानुसार, महाराष्ट्र लोकसेवा आयोगामार्फत घेण्यात आलेल्या महाराष्ट्र कृषी सेवा मुख्य परीक्षा २०२१ आणि घेण्यात येणारी कृषी सेवा मुख्य परीक्षा २०२२ या दोन्हीला तत्काळ स्थगिती देऊन कृषी अभियांत्रिकी शाखेचा वैकल्पिक विषय पूर्ववत करण्यात यावा.
महाराष्ट्र राज्यात स्वतंत्र कृषी अभियांत्रिकी संचालनालय स्थापन करावे. मृद व जलसंधारण विभागात कृषी अभियांत्रिकी पदवीच्या विद्यार्थ्यांना पात्र करून कृषी अभियांत्रिकी शाखेचा वैकल्पिक विषय इतर शाखेप्रमाणेच समाविष्ट करावा.
महाराष्ट्र लोकसेवा आयोगामार्फत घेण्यात येणाऱ्या राज्यसेवा मुख्य परीक्षेला कृषी अभियांत्रिकी शाखेचा वैकल्पिक विषय इतर शाखेप्रमाणेच समाविष्ट करण्यात यावा, अशा मागण्या आहेत.
डॉ. पंजाबराव देशमुख कृषी विद्यापीठांतर्गंत कृषी अभियांत्रिकी शाखेचे विद्यार्थी प्रतिनिधी म्हणून दीपक पाटील, अविनाश चौगुले, शुभम ठाकरे यांनी हे निवेदन दिले.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
