Farmers Hunger Strike : ‘वनामकृवि’ कृषी विद्यापीठ प्रकल्पग्रस्त शेतकऱ्यांचे उपोषण

अॅग्रोवन वृत्तसेवा
परभणी ः वसंतराव नाईक मराठवाडा कृषी विद्यापीठ (VNMKV)अंतर्गत प्रकल्पग्रस्त शेतकऱ्यांना कायम स्वरूपी सेवेत घ्यावे, यासह अन्य मागण्यांसाठी वंचित प्रकल्पग्रस्त शेतकऱ्यांनी बुधवारी (ता. १५) विद्यापीठ प्रवेशद्वाराजवळ बेमुदत उपोषण (Hungerstrike) सुरू केले आहे.

या प्रश्‍नी गुरुवारी (ता. १६) आयोजित विद्यापीठ कार्यकारी परिषदेच्या बैठकीत यावर ठोस तोडगा काढावा, अशी मागणी या शेतकऱ्यांनी केली आहे.

कृषी विद्यापीठाच्या स्थापनेपासून प्रकल्पग्रस्तांना मिळणाऱ्या लाभापासून वंचित असलेल्या प्रकल्पग्रस्त शेतकऱ्यांना कायमस्वरूपी नोकरीत घ्यावे.

विद्यापीठाच्या कायमस्वरूपी सेवेचा लाभ घेतलेल्या, सेवानिवृत्त कर्मचारी कुटुंबातील व्यक्तींना मनुष्यबळ पुरवठा निविदेत प्राधान्य देण्यात येऊ नये, आदी मागण्यांसाठी वंचित प्रकल्पग्रस्त शेतकरी बेमुदत उपोषणास बसले आहेत.