Alibaug Grampanchyat Election News : रायगड जिल्ह्यात ग्रामपंचायत पोटनिवडणुकीची रणधुमाळी सुरू झाली आहे. विविध कारणांमुळे रिक्त झालेल्या १० सरपंच आणि ८५ सदस्यपदासाठी ही निवडणूक होत आहे. सरपंचपदासाठी १४ आणि सदस्यपदासाठी ५१ अर्ज आले आहेत.
म्हसळा तालुका वगळता सर्वच तालुक्यांतील ग्रामपंचायतींचा यात समावेश आहे. १८ मे रोजी सकाळी ७.३० ते सायंकाळी ५.३० या वेळेत मतदान होईल, अशी माहिती ग्रामपंचायत निवडणूक विभागाने दिली.
निधन, राजीनामा, अर्हता किंवा अन्य कारणांमुळे रिक्त झालेल्या सदस्य आणि थेट सरपंचपदांच्या पोटनिवडणुकांसाठी मतदान होत आहे. या निवडणुकीत प्रचाराचा धुरळा, चुरस, अर्ज दाखल करण्यासाठी शक्तिप्रदर्शन असे प्रकार दिसून आले नाहीत.
ज्या रिक्त जागांसाठी मतदान होत आहे, त्या जागा सदस्यांच्या निधनामुळे रिक्त झाल्या. त्यामुळे सरपंचपदासाठीच्या १० जागांसाठी १४ उमेदवारी अर्ज दाखल झाले आहेत.
यातील तळा तालुक्यातील फक्त एका ग्रामपंचायतीसाठी ६ उमेदवारी अर्ज आले, तर ८ ग्रामपंचायतीच्या सरपंचपदासाठी प्रत्येकी एक अर्ज आला. त्यामुळे या सरपंचाची निवड बिनविरोध होणार आहे. अशीच परिस्‍थिती सदस्यपदासाठी असून एकूण ८५ रिक्त जागांसाठी ५१ उमेदवारांनी अर्ज दाखल झाले आहेत.
अर्ज मागे घेण्याची मुदत ८ मे रोजी दुपारी ३ पर्यंत आहे. त्याच दिवशी चिन्हांचे वाटप होणार आहे. १९ मे रोजी मतमोजणी होईल.
सरपंचपदाच्या निवडणुका
ग्रामपंचायती - ६३
रिक्त पदांची संख्या - ८५
दाखल उमेदवारी अर्ज - ५१
सदस्यपदासाठी पोटनिवडणुका
ग्रामपंचायती - ६३
रिक्त पदांची संख्या - १०
दाखल उमेदवारी अर्ज - १४
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
