Wheat Harvesting टाकळीभान, ता. श्रीरामपूर : टाकळीभान परिसरात ऊन वाढत असल्याने गव्हाचे पीक (Wheat Crop) ओढून (परिपक्व) येत आहे. त्यामुळे महिनाभरात हे पीक सोंगणीला (Wheat Harvesting) येणार आहे.
उन्हाचा पारा ३१ अंशांपर्यंत पोहोचला आहे. टाकळीभानमध्ये रब्बी हंगामात (Rabi Season) गहू ४५० हेक्टर, मका (Maize Sowing) १०० हेक्टर, हरभरा (Chana Sowing) ९१ हेक्टर, कांदा ८०० हेक्टर पेरण्या व लागवडी झाल्या आहेत.
मात्र एक नोव्हेंबर ते १५ डिसेंबरदरम्यान बहुतांश शेतकऱ्यांनी पेरलेल्या गव्हाचे पीक परिपक्वतेकडे वाटचाल करीत आहे.
थंडी बऱ्यापैकी असल्यामुळे गहू, हरभरा व कांदा पिके जोमदार आहेत. यंदा कांदा पिकाची परिसरात विक्रमी लागवड झालेली आहे व एक ते दीड महिन्यात कांद्याची काढणी सुरू होणार आहे.
मध्यंतरी अवकाळी पाऊस व वाऱ्यामुळे गव्हाच्या पिकाचे नुकसान झाले होते, मात्र महसूल प्रशासनाच्या उदासीनतेमुळे पंचनामे झाले नसल्यामुळे शेतकरी वर्गात संताप व्यक्त केला जात आहे.
विजेचा खेळखंडोबा व विहिरींनी तळ गाठल्यामुळे सध्या परिसरात रब्बीचे आवर्तन सुरू आहे. त्यामुळे शेतकऱ्यांची पिकांना पाणी देण्याची लगबग सुरू आहे. आवर्तनामुळे विहिरींच्या पाणीपातळीत वाढ होणार आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
