Onion Cultivation : मका, कांद्याचे पीक बहरले

Maize, Onion Crop Cultivation अंबड : तालुक्यात अनेक शेतकऱ्यांनी मका, कांद्याचे पीक (Maize, Onion Crop) घेतले. यंदा मुबलक पाणीसाठा (Water Shortage) असल्याने ही पिके जोमात आली आहेत. शिवाय आंबा (Mango) आणि मोसंबीच्या झाडांनाही चांगला मोहर लागला आहे. त्यामुळे शेतकऱ्यांच्या आशा पल्लवित झाल्या आहेत.

यंदा शेतकऱ्यांनी बियाणे कांद्याचे पीक मोठ्या प्रमाणात घेतले आहे. तालुक्यातील मार्डी, शिरनेर, चिंचखेड, मठजळगाव, भिवंडीबोडखा, नांदी, नागझरी, धनगरपिंपळगाव, पारनेर, लालवाडी, डावरगाव, पावसेपांगरी, कवडगाव, झिरपी, ताडहादगाव, वलखेडा, ढालसखेडा, भालगाव, बोरी, मसई, दूधपुरी, दहीपुरी, सारंगपूर, वाघलखेडा, शेवगा, धनगरपिंपरी, हारतखेडा, हस्तपोखरी, कर्जत, लोणारभायगाव आदी गावांमध्ये बियाणा कांदाची लागवड मोठ्या प्रमाणात करण्यात आली आहे.

हेही पीक सध्या बहरात आहे. या शिवाय काहींनी मका पीक घेतले. तेही पीक बहरात आहे. या पिकामुळे पशुधनाच्या चाऱ्याचा प्रश्न मिटणार आहे.