वाशीम ः ‘‘पौष्टिक तृणधान्याचा (Millet) वापर वाढण्यासाठी जिल्ह्यातील प्रत्येक कुटुंबाने आठवड्यातील एक दिवस आहारामध्ये (Millets In Diet) पौष्टिक तृणधान्यापासून बनवलेल्या पदार्थांचा समावेश करावा,’’ असे आवाहन ‘केव्हीके’चे प्रमुख डॉ. आर. एल. काळे यांनी केले.
संयुक्त राष्ट्राने २०२३ हे आंतरराष्ट्रीय पौष्टिक तृणधान्य वर्ष घोषित केले आहे. या अनुषंगाने भारतीय कृषी संशोधन परिषद पुरस्कृत ‘केव्हीके’च्या माध्यमातून जिल्ह्यात अनेक जनजागृती कार्यक्रम घेतले जात आहेत.
कारंजालाड येथील गुरुदेव सेवा आश्रमात ‘आहारातील पौष्टिक तृण धान्याचे महत्त्व या विषयावर जनजागृती कार्यक्रम घेण्यात आला.
‘केव्हीके’च्या गृह विज्ञान शाखेच्या प्रमुख शुभांगी वाटाणे म्हणाल्या, ‘‘भारतातील कुपोषण समस्या व पोषणमूल्य सुधारण्यासाठी तृणधान्याचा आहारात वापर पुन्हा एकदा वाढविणे, त्यांची लागवड वाढविणे, त्यांच्या उपयुक्ततेबाबत समाजात जनजागृती करणे अत्यंत आवश्यक आहे.
ब्रेड, बिस्कीट, केक, इडली, डोसा असे पदार्थ बनवून त्यांचा आहारात सामावेश वाढविणे आवश्यक आहे.’’
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
