Onion Seed Production News टेंभुर्णी : पारंपरिक शेती पद्धतीला (Traditional Agriculture) फाटा देत येथील नारायण जोशी या युवा शेतकऱ्याने एक एकर शेतात कांदा बियाण्यांची लागवड (Onion Seed Cultivation) केली. सद्यःस्थितीत हे पीक फुलोऱ्यात आहे.
मागील काळात कांदा बियाण्यांचा दर लाखापेक्षाही जास्त झाला होता, यामुळे मध्यंतरी मोठ्या प्रमाणावर कांदा बियाण्यांची लागवड करण्यात आली.
दरम्यान, गतवर्षी कांदा बियाणांचे दर कोसळल्याने शेतकऱ्यांनी कांदा बियाणे घेण्याचे टाळले, परंतु येथील युवा शेतकरी नारायण जोशी यांनी एक एकर शेतात दहा क्विंटल कांद्याची लागवड करून बियाणे घेण्याचे नियोजन केले.
यासाठी बेड पद्धतीचा वापर करीत संपूर्ण लागवडीसाठी ठिबक सिंचनाची व्यवस्था केली. खत व फवारणीचे नियोजन करून त्यांनी योग्य पद्धतीने पिकाची काळजी घेतली.
शेतशिवारात मधमाश्यांची वाढलेली संख्या परागीभवनासाठी पोषक आहे. सद्यःस्थितीत बियाण्यांचे पीक फुलोऱ्यात आहे.
यातून आपल्याला जवळपास तीन क्विंटल कांदा बियाणे मिळेल असा विश्वास जोशी यांनी व्यक्त केला दरम्यान वेगवेगळ्या प्रकारचे रासायनिक खते फवारणी यासाठी किमान ७० हजार रुपये खर्च लागवडीपासून काढणीपर्यंत होईल, असे त्यांनी सांगितले. यातून मोठ्या प्रमाणावर उत्पन्न मिळू शकते, असा विश्वासही त्यांनी व्यक्त केला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
