Pune News : राज्य शासनाचे (State Government) ग्रामविकास विभाग व पंचायतराज विभागामार्फत महा- ई-ग्राम (E-Gram) सिटिझन कनेक्ट नावाचे मोबाइल अॅप्लिकेशन कार्यान्वित करण्यात आले आहे.
या ॲपमधून जिल्ह्यातील नागरिकांना तब्बल ३३ प्रकारच्या दाखल्यांची सुविधा उपलब्ध आहे. या अॅपला नागरिकांचा प्रतिसाद मिळत असून, आतापर्यंत जिल्ह्यात १३८४ गावांतील तब्बल ३० हजार ५०४ नागरिकांनी नोंदणी केली आहे.
घरबसल्या नागरिकांना दाखले मिळण्यासाठी हे अॅप सुरू करण्यात आले आहे. याशिवाय अॅपच्या माध्यमातून घरबसल्या घराचा कर भरणा, पाणीपट्टीसुद्धा भरता येणार आहे. आतापर्यंत या अॅपचा ८८३ नागरिकांनी लाभ घेतला आहे.
त्यामुळे नागरिकांच्या वेळेची बचत होणार असून, दाखल्याकरिता ग्रामपंचायतीत फेऱ्या माराव्या लागणार नाहीत. वेळेतच त्यांना घरबसल्या दाखले मिळत आहेत. यापूर्वी केवळ जमिनीचा सातबारा उतारा ऑनलाइन पद्धतीने काढला जात होता.
मात्र यापुढे अॅपच्या माध्यमातून गावठाणमधील जागेचा उतारा ग्रामपंचायतीमध्ये मिळणारे जन्म-मृत्यू प्रमाणपत्र यासारखे अनेक दाखले मिळणार आहेत.
सोबतच ग्रामपंचायत सदस्यांची माहिती, आपण यापूर्वी कराचा भरणा केलेल्या सर्व कराच्या रकमेची माहिती या अॅपच्या माध्यमातून मिळणार आहे.
दरम्यान, घरबसल्या जन्म प्रमाणपत्र, नागरिकांना व मृत्यू दारिद्र्यरेषेखालील प्रमाणपत्र नमुना नंबर ८ अ चा उतारा अशी एकूण ३३ प्रकारचे प्रमाणपत्रे मिळणार आहेत.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
