Solapur Bank : जिल्ह्यातील अकलूज येथील शंकरराव मोहिते पाटील सहकारी बँकेवर (Shankarao Mohite Patil Cooperative Bank) रिझर्व्ह बँकेने काही निर्बंध घातले असून, या बँकेतील खातेदारांना आता पाच हजार रुपयांपर्यंतचीच रक्कम काढता येणार आहे. २४ फेब्रुवारीपासून पुढील सहा महिन्यांसाठी हे निर्बंध असणार आहेत.
रिझर्व्ह बँकेचे मुख्य सरव्यवस्थापक योगेश दयाल यांनी यासंबंधीचे आदेश काढले आहेत. रिझर्व्ह बँकेने बँकेच्या खर्चावरही नियंत्रण आणण्याच्या सूचना केल्या आहेत.
बँकेचे पात्र ठेवीदार हे विमा आणि क्रेडिट हमी नियमाप्रमाणे पाच लाख रुपयापर्यंतची जमा विमा दावा रक्कम मिळवण्यास पात्र असणार आहेत. येत्या ४५ दिवसांमध्ये बँकेला डीआयसीजीसीकडे (डिपॅाझिट इन्शुरन्स अॅण्ड क्रेडिट गॅरंटी कॉर्पोरेशन) ठेवीदारांची यादी सादर करावी लागणार आहे.
शंकरराव मोहिते पाटील सहकारी बँकेच्या एकूण नऊ शाखा व एक मुख्यालय अशी दहा कार्यालये आहेत. ६ हजार ४८० एवढे बँकेचे सभासद आहेत. बँकेकडे ६९ कोटी रुपयांच्या ठेवी आहेत. तर बँकेकडून ४० कोटी रुपयांचे कर्ज वाटप करण्यात आलेले आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
