APMC Solapur News : सांगोला कृषी उत्पन्न बाजार समितीच्या सभापतिपदी शेतकरी कामगार पक्षाचे समाधान पाटील यांची आणि उपसभापतिपदी माणिक वाघमारे यांची निवड बिनविरोध झाली.
सभापती आणि उपसभापती या दोन्ही पदांसाठी प्रत्येकी एकच अर्ज आल्याने दोन्ही पदांच्या निवडणुका बिनविरोध झाल्या. शेतकरी कामगार पक्षाने कृषी उत्पन्न बाजार समितीची निवडणूक बिनविरोध व्हावी, यासाठी राष्ट्रवादी, शिवसेना, भाजप इत्यादी पक्षांना घेऊन हालचाली केल्या होत्या.
परंतु या निवडणुकीमध्ये ‘शेकाप’चेच माजी जिल्हा परिषद सदस्य सचिन देशमुख, ‘राष्ट्रवादी’चे बाबूराव गायकवाड यांनी परिवर्तन आघाडी स्थापन करून निवडणूक लावली होती. परंतु या निवडणुकीत परिवर्तन आघाडीला यश मिळाले नव्हते. सत्ताधारी शेतकरी विकास आघाडीने सर्वच १८ जागा जिंकल्या होत्या.
बाजार समितीच्या निवडणुकीमध्ये ‘शेकाप’ने सर्व पक्षाला सामावून घेऊन निवडणूक केली असली, तरी सभापती व उपसभापतिपद हे स्वतःकडेच ठेवले आहे. या सभापती, उपसभापती निवडीसाठी मोठी रस्सीखेच सुरू होती. सभापतिपदाची माळ कोणाच्या गळ्यात पडते, याकडे सर्वांचे लक्ष लागले होते.
अखेरीस सभापतिपदी समाधान पाटील यांची तर उपसभापतिपदी माणिक वाघमारे यांची वर्णी लागली. या निवडीनंतर नूतन सभापती, उपसभापती व संचालकांचा सत्कार ‘शेकाप’चे ज्येष्ठ नेते चंद्रकांत देशमुख, पोपट देशमुख, पुरोगामी युवक संघटनेचे प्रदेशाध्यक्ष बाबासाहेब देशमुख यांच्या हस्ते करण्यात आला.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
