Illegal sand Mining in Shevgaon : परिसरातील नद्यांवरील बंधाऱ्यातील पाणी आटताच वाळू तस्करांनी अवैध वाळू उपशास नव्या जोमाने सुरुवात केली. ढोरा, नंदिनी, सकुळा, अवनी या नदी पात्रातून बेसुमार वाळूउपसा सुरू झाला असून त्यामुळे पर्यावरणाचे अतोनात नुकसान होत आहे.
महसूल व पोलिस प्रशासनाच्या दुर्लक्षामुळे तस्करांकडून नदीपात्र वाळूसाठी अक्षरश: ओरबडले जात आहेत. सर्वसामान्यांसाठी सहाशे रुपये प्रति ब्रास या वाळू धोरणास एक मेपासून सुरुवात झाली असली तरी त्यापूर्वीच नदीपात्र रिकामे करण्याचा सपाटा सुरू आहे.
परिसरातील वाघोली ते जोहरापूरदरम्यान वाहणाऱ्या ढोरानदीपात्रावर बंधाऱ्यांची मालिका आहे. उन्हाळ्याची चाहुल लागताच त्यातील पाणी झपाट्याने कमी होऊन नदीपात्र कोरडे ठाक पडले आहे.
तसेच शेतातील पिके निघाल्याने जागोजागी नदीपात्रात जाण्यासाठी रस्ते देखील उपलब्ध झाले आहेत.
त्याचा फायदा घेऊन वाघोली, वडुले, ढोरजळगाव, आखातवाडे, मळेगाव, सामनगाव, लोळेगाव, जोहरापूर येथील ढोरानदीतून, आव्हाणे, बऱ्हाणपूर, दिंडेवाडी येथील आवनी नदीपात्रातून, आखेगाव, खरडगाव भगुर, वरूर, वडुले बुद्रुक येथील नंदिनीतून तर अमरापूर फलकेवाडी येथून सकुळा नदीतून रात्रंदिवस ट्रॅक्टर, डंपर व जेसीबीच्या साह्याने बेसुमार वाळू उपसा सुरू झाला आहे. त्यामुळे कोरड्याठाक पडलेल्या पात्रातून व परिसरातील पाण्याची पातळी झपाट्याने खालावत आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
