Bogus Fertilizer Supply : बोगस खते पुरवठा करणाऱ्या कंपन्यांवर कारवाईचा प्रस्ताव पाठवा

Bogus Fertilizer : एखाद्या कंपनीच्या खताचे नमुने सलग दोन तीन वर्षं बोगस आढळल्यास अशा कंपन्यांवर कारवाई करण्यासाठी शासनस्तरावर प्रस्ताव पाठवावा.
Fertilizer
FertilizerAgrowon

Bogus Fertilizer Satara News : एखाद्या कंपनीच्या खताचे नमुने सलग दोन तीन वर्षं बोगस आढळल्यास अशा कंपन्यांवर कारवाई करण्यासाठी शासनस्तरावर प्रस्ताव पाठवावा, अशा सूचना पालकमंत्री शंभुराज देसाई (Minister Shambhuraj Desai) यांनी केल्या.

जिल्हाधिकारी कार्यालयातील नियोजन भवन येथे खरीप हंगाम आढावा बैठक पालकमंत्री श्री. देसाई यांच्या अध्यक्षतेखाली संपन्न झाली. या वेळी ते बोलत होते.

या बैठकीस आमदार जयकुमार गोरे, जिल्हाधिकारी रुचेश जयवंशी, मुख्य कार्यकारी अधिकारी ज्ञानेश्‍वर खिल्लारी यांच्यासह संबंधित विभागाचे अधिकारी, कर्मचारी उपस्थित होते.

Fertilizer
Bogus Seed : सदोष बियाण्यांमुळे कांद्याला आले डेंगळे

सुरुवातीस २०२२-२३ मध्ये कृषी विभागाने केलेले काम तसेच २०२३-२४ मध्ये खते, बियाणे यांची उपलब्धता व पुरवठा यासह कृषी विभागाकडून राबविण्यात येणाऱ्या योजनांची माहिती जिल्हा अधीक्षक कृषी अधिकारी, भाग्यश्री फरांदे यांनी दिली.

शेतकऱ्यांनी सोयाबीनचे स्वत:कडील बियाणे वापरणे फायदेशीर असल्याचे सांगून पालकमंत्री श्री. देसाई म्हणाले, की जिल्ह्यात खतांचा व बियाण्यांचा पुरेसा साठा उपलब्ध आहे. त्याचा शेतकऱ्यांना वेळेत पुरवठा करावा.

लिंकिंग पद्धतीने खत विक्री होत असल्यास त्यावर कारवाई करण्यात यावी. त्यासाठी भरारी पथकांची संख्या वाढवावी. जिल्ह्यात शंभर टक्के शेतकरी पीकविमा उतरवतील असे पाहा, अशा सूचनाही पालकमंत्री श्री. देसाई यांनी केल्या.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com