Sangli Irrigation Department News : पाटबंधारे विभागामार्फत ऑनलाइन (Online) पद्धतीने ‘क्यूआर’ कोडद्वारे लाभधारक शेतकऱ्यांची पाणीपट्टी वसुलीचे काम हाती घेतले आहे. सिंचन कर्मचारी ‘क्यूआर’ कोडद्वारे लाभधारक शेतकऱ्यांची पाणीपट्टी जागेवरच वसूल करू शकतो.
लाभधारक शेतकऱ्यांची भरणा झाल्याची पोहोच ऑनलाइन पहाता येणार आहे, अशी माहिती पाटबंधारेच्या सूत्रांनी दिली आहे.
सांगली पाटबंधारे विभागाकडून (Irrigation Department) सिंचन व्यवस्थापनाचे काम केले जाते. यामध्ये लाभधारक शेतकऱ्यांना पाणीपुरवठा (Water Supply) करून पाणीपट्टी वसुली केली जाते. वसुलीसाठी सिंचन कर्मचारी दुवा आहे.
सध्या जलसंपदा विभागाकडून शेतकऱ्यांची सिंचन पाणीपट्टी वसुली सहकारी साखर कारखान्यामार्फत व रोखीने केली जाते.
दुर्गम भागातील जत, संख, कुची या शाखा कार्यालयांकडील सिंचन कर्मचाऱ्यांना बँक शाखा जवळ नसल्याने मिरज शहरात येऊन पाणीपट्टीचा भरणा करावा लागतो.
कर्मचाऱ्यांचा ताण व आर्थिक जोखीम कमी करण्यासाठी ऑनलाइन पद्धतीने वसुली करण्यात येत असल्याचे पाटबंधारे विभागामार्फत कळविण्यात आले आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
