Nagar News : महात्मा फुले कृषी विद्यापीठातील (Mahatma Phule Agricultural University) काही कर्मचाऱ्यांनी जुनी पेन्शन योजना लागू व्हावी, या मागणीसाठी मंगळवारपासून (ता. १४) बेमुदत काम बंद आंदोलन सुरू केले.
महात्मा फुले कृषी विद्यापीठात अधिकारी व कर्मचाऱ्यांची ४५२० पदे मंजूर असून, त्यांतील २३४९ पदे भरलेली आहेत. त्यांपैकी १४५० कर्मचाऱ्यांना पेन्शन नाही. यामुळे विद्यापीठाचे शिक्षण, संशोधन, विस्तार, प्रशासन आणि विकासकामे ठप्प झाली आहेत.
कृषी सहायक संघटना, लिपिकवर्गीय संघटना, मागासवर्गीय सेवक संघटना, प्राध्यापक संघटना, असे सर्व कर्मचारी मध्यवर्ती समन्वय संघाच्या नेतृत्वाखाली, जुनी पेन्शन मिळावी या मागणीसाठी काम बंद आंदोलनात उत्स्फूर्त सहभागी झालेले आहेत.
कर्मचाऱ्यांनी विद्यापीठाचे कुलसचिव व राहुरीच्या तहसीलदारांना त्यांच्या मागणीचे निवेदन दिले. महात्मा फुले कृषी विद्यापीठ कर्मचारी समन्वय संघाच्या पदाधिकाऱ्यांसह कर्मचारी मोठ्या प्रमाणात सहभागी झाले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.