Crop Damage In Buldana : मोताळा तालुक्यात पिकांचे नुकसान

मोताळा तालुक्यात दोन दिवसांपूर्वी अवकाळी पावसाने थैमान घातले. वादळी वारा व पावसामुळे आडविहीर येथे भिंत कोसळून दोन घरांचे नुकसान झाले.
Crop Damage
Crop DamageAgrowon

Buldana News : मोताळा तालुक्यात दोन दिवसांपूर्वी अवकाळी पावसाने थैमान घातले. वादळी वारा व पावसामुळे आडविहीर येथे भिंत कोसळून दोन घरांचे नुकसान झाले. तर चार गावातील १९ हेक्टर क्षेत्रातील शेतीपिकांचे नुकसान झाल्याची माहिती आहे.

तालुक्यात बहुतांश ठिकाणी शुक्रवारी (ता. ७) सायंकाळी अवकाळी पावसाने हजेरी लावली. यावेळी सोसाट्याचा वारा, विजांचा कडकडाट व ढगांच्या गडगडाटासह जोरदार पाऊस झाला. त्यामुळे अनेक ठिकाणी शेतीपिकांचे नुकसान झाल्याचे सांगितले जाते.

Crop Damage
Crop Damage In Nashik : गारपीटने केला कहर; शेतकऱ्यांच्या तोंडचा घास हिरावला

वादळी वारा व पावसामुळे आडविहीर येथील अनिल हरी खाचणे यांच्या घराची भिंत कोसळल्यामुळे ५० ते ५५ हजार रुपयांचे नुकसान झाले. तर सुनीता संजय खाचणे यांच्या घराची पडझड होऊन ६० ते ६५ हजार रुपयांचे नुकसान झाले.

दरम्यान, तलाठी एन. एस. देवकर यांनी शनिवारी (ता. ८) सकाळी घटनास्थळी भेट देऊन पंचनामा केला.

वादळी वारा व अवकाळी पावसामुळे तालुक्यातील राजूर, खामखेड, खडकी, कोऱ्हाळा बाजार या परिसरातील ४२ शेतकऱ्यांच्या १९ हेक्टर क्षेत्रातील गहू, मका, कांदा, ज्वारी, भाजीपाला, करडई या पिकांचे नुकसान झाले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com