Watermelon Cultivation : कलिंगडाची लागवड कशी कराल?

कलिंगड फळाला वर्षभर जरी मागणी असली तरी उन्हाळ्यामध्ये मोठ्या प्रमाणात मागणी असते.
Watermelon Cultivation
Watermelon CultivationAgrowon

कलिंगड (Watermelon) फळाला वर्षभर जरी मागणी असली तरी उन्हाळ्यामध्ये मोठ्या प्रमाणात मागणी असते. कलिंगडाच्या वाढत्या मागणीचा विचार करता कमी खर्चात, कमी पाण्यावर आणि कमी 

कालावधीमध्ये येणार पीक असल्यामुळे शेतकरी कलिंगडाची लागवड मोठ्या प्रमाणात करू लागला आहे. लागवडीसाठी सुधारित तंत्राचा वापर करुन योग्य लागवड पद्धत निवडावी. 

कलिंगड लागवड २५ फेब्रुवारीपर्यंत करता येते. आळे पद्धत, सरी-वरंबा पद्धत, रुंद गादी वाफा पद्धत आणि मल्चिंग पेपर तंत्रज्ञानाचा वापर करुन कलिंगडाची लागवड केली जाते.

लागवडीसाठी कमी पाण्यावर व अल्प कालावधीत येणाऱ्या जातींची निवड करणे गरजेचे आहे. यामध्ये शुगर बेबी, मधू, अर्का माणिक, मिलन, अमृत, अर्काज्योती, अर्का राजहंस,अर्का जीत या जातींचा समावेश होतो. 

Watermelon Cultivation
Watermelon Cultivation : रोहा तालुक्‍यात ८५.९० हेक्टरवर कलिंगडाची लागवड

कलिंगड लागवडीच्या पद्धती     

आळे पद्धत    

ठरावीक अंतरावर आळे करावे. त्यात शेणखत मिसळून मध्यभागी ४ ते ५ बिया टोकाव्यात.       

सरी-वरंबा पद्धत  

२ मीटर अंतरावर सऱ्या पाडून वाफ्यावर ०.५ मीटर अंतरावर बिया लावाव्यात.

रुंद गादी वाफ्यावर लागवड 

रुंद गादीवाफ्याच्या दोन्ही बाजूंना लागवड केली जाते. त्यामुळे वेल गादीवाफ्यावर पसरतो व फळे पाण्याच्या संपर्कात येऊन खराब होत नाहीत.यासाठी ३ ते ४ मीटर अंतरावर सरी पाडावी. सरीच्या दोन्ही बाजूंना १ ते १.५ मीटरवर ३ ते ४ बिया लावाव्यात.

Watermelon Cultivation
Watermelon Cultivation : खानदेशात कलिंगड लागवड वाढणार

मल्चिंग पेपरचा वापर 

मल्चिंग पेपर टाकण्यापूर्वी गादीवाफा एकसमान करून घ्यावा. मधोमध ठिबकची लॅटरल टाकावी. गादीवाफ्यावर ४ फूट रुंदीचा ५० मायक्रॉनपेक्षा जास्त जाडीचा मल्चिंग पेपर टाकावा. पेपर गादीवाफ्यावर समांतर राहील.

ढिला होणार नाही याची काळजी घ्यावी.एक एकरासाठी साधारण ५ ते ६ किलो पेपर लागतो. लागवडीच्या एक दिवस आधी लॅटरलच्या दोन्ही बाजूंस १५ सेंमी अंतरावर रोपे लावण्यासाठी पेपरला छिद्रे पाडून घ्यावीत.

दोन रोपांमधील अंतर २ फूट ठेवावे.त्यानंतर गादीवाफा ठिबक सिंचनाच्या साह्याने ओला करून घ्यावा. छिद्रे पाडलेल्या ठिकाणी योग्य वाढीच्या रोपांची लागवड करावी.

लागवड २५ फेब्रुवारीपर्यंत बिया टोकून करावी. प्रत्येक खड्ड्यात ३ ते ४ बिया २ सेंमी खोल आणि एकमेकांपासून ४ ते ५ सेंमी अंतरावर टाकाव्यात. बिया रुजल्यानंतर १५ दिवसांनी रोपांची विरळणी करावी.प्रत्येक ठिकाणी २ चांगली जोमदार रोपे ठेवावीत. 

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com