Onion : कांद्यावरील रोग-किडींची लक्षणे, उपाययोजना

सध्या कांदा पिकामध्ये मर, करपा, आयरिश यलो स्पॉट तसेच फुलकिडींचा प्रादुर्भाव दिसून येतो. नियंत्रणासाठी प्रादुर्भावाची लक्षणे ओळखून वेळीच उपाययोजना कराव्यात.
Onion
OnionAgrowon

मर ः

- रोप उगवल्यानंतर बुरशीचे धागे जमिनीलगतच्या भागातून शिरकाव करतात.

- रोपे पिवळी पडून कोलमडतात, सुकतात. अशा रोपांच्या जमिनीलगत पांढऱ्या बुरशीची वाढ होते.

रासायनिक नियंत्रण ः (आळवणी ः प्रतिलिटर पाणी)

- कॉपर ऑक्सिक्लोराइड ३ ग्रॅम किंवा

- मेटॅलॅक्झिल + मॅन्कोझेब २ ग्रॅम (संयुक्त बुरशीनाशक)

Onion
Onion : सुधारित तंत्राद्वारे केली दर्जेदार कांदा रोपनिर्मिती

ॲन्थ्रॅकनोज किंवा करपा ः

- सुरुवातीला पातीवर पांढऱ्या रंगाचे ठिपके पडतात. नंतर पिवळ्या डागांमध्ये रूपांतरित होऊन संपूर्ण पातीवर पसरतात.

- अति तीव्रतेमध्ये रोपाची मान लांबते. रोपांच्या माना मुरगळल्याप्रमाणे दिसतात.

जांभळा करपा ः

- सुरुवातीला पानांवर पांढरट लांब चट्टे दिसतात.

- चट्ट्यांचा आतील भाग जांभळा दिसून नंतर काळा पडतो. शेवटी कांद्याची पात करपते.

एकात्मिक व्यवस्थापन ः

- नत्रयुक्त खतांचा शिफारशीत मात्रेत वापर करावा.

रासायनिक फवारणी (प्रमाण ः प्रति लिटर पाणी)

- कार्बेन्डाझिम (१२ टक्के + मॅन्कोझेब (६३ टक्के) २.५ ग्रॅम (संयुक्त बुरशीनाशक) किंवा

- प्रोपीकोनॅझोल (२५ ई.सी.) १ मिलि किंवा

-ट्रायकोडर्मा व्हिरीडी अधिक सुडोमोनास फ्लुरोसन्स १० ग्रॅम

-फवारणीवेळी प्रतिलिटर पाण्यात स्टिकर ०.५ मिलि मिसळावे.

Onion
Onion : कांद्राप्रश्‍नी केंद्र सरकारने तातडीने हस्तक्षेप करावा

आयरिश यलो स्पॉट ः

- या विषाणूजन्य रोगाचा प्रसार फुलकिडीं (थ्रीप्स) मार्फत होतो.

- पातीवर आणि फुलांच्या दांड्यांवर पिवळसर चौकोनी पट्टे दिसून येतात.

नियंत्रण ः

रोगाचा प्रादुर्भाव फुलकिडीमार्फत होतो. त्यामुळे रोगनियंत्रणासाठी फुलकिडींचा बंदोबस्त करावा.

फुलकिडे ः

- पिले आणि प्रौढ पातीवर चावे घेऊन रस शोषण करतात. त्यामुळे पातीवर असंख्य जखमा होतात.

- पातीवर पांढरे ठिपके पडून ती वाकडी होते.

उपाययोजना ः

- एकरी ४ ते ५ निळे चिकट सापळे १५ सेंमी उंचीवर लावावेत.

फवारणी ः प्रतिलिटर पाणी

फिप्रोनिल (५ ई.सी.) १ मिलि किंवा

कार्बोसल्फान (२५ टक्के ई.सी.) २ मिलि किंवा

प्रोफेनोफॉस १ मिलि

आवश्यकतेनुसार आलटून-पालटून फवारणी करावी.

करपा रोग व फुलकिडींचा प्रादुर्भाव दिसून आल्यास,

(फवारणी ः प्रतिलिटर पाणी)

- पुनर्लागवडीच्या ३० दिवसानंतर,

-मॅन्कोझेब (६३ टक्के) २.५ ग्रॅम अधिक फिप्रोनील १ मिलि

- त्यानंतर १५ दिवसांनी, प्रोपीकोनॅझोल १ मिलि + कार्बोसल्फान २ मिलि

- पुढील १५ दिवसांनी, कॉपर ऑक्सिक्लोराईड २.५ ग्रॅम + प्रोफेनोफॉस १ मिलि

(टीप ः कीटकनाशके आणि बुरशीनाशकांना कर्नाटकच्या धारवाड आणि रायचूर कृषी विद्यापीठातील संशोधन तसेच कांदा व लसूण संशोधन संचालनालय, पुणे यांची शिफारस आहेत.)

- डॉ. पी. ए. साबळे, ८४०८०३५७७२

(सहायक प्राध्यापक, उद्यानविद्या विभाग, के. व्ही. के., सरदार कृषीनगर दांतीवाडा कृषी विद्यापीठ, साबरकांठा, गुजरात)

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com