Farm Implements : पीक कापणी साठी वापरा ब्रश कटर

ब्रश कटर हे एक शेतीकामासाठी बहुउपयोगी यंत्र आहे. छोट्या शेतकऱ्यापासून ते मोठ्या शेतकऱ्यांपर्यंत सर्वासाठी हे यंत्र उपयुक्त आहे.
Use of brush cutter to cut green crop.
Use of brush cutter to cut green crop.Agrowon

ब्रश कटर (Brush Cutter) हे एक शेतीकामासाठी बहुउपयोगी यंत्र आहे. छोट्या शेतकऱ्यापासून ते मोठ्या शेतकऱ्यांपर्यंत सर्वासाठी हे यंत्र उपयुक्त आहे.  ब्रश कटरचा उपयोग गवत, चारा तसेच पीक कापणीसाठी केला जातो. ब्रश कटर बरोबर २ ते ३ वेगवेगळी जोडणी यंत्र उपलब्ध आहेत.  त्यामुळे या यंत्राद्वारे आंतरमशागतही करता येते.  

या यंत्राचे इंजिन, शाफ्ट पाइप, हॅंडल आणि कटिंग युनिट असे चार प्रमुख भाग आहेत. साधारणपणे, बाजारात ब्रश कटर दोन प्रकारात उपलब्ध आहे. पहिल्या प्रकारातील ब्रश कटर मनुष्याच्या उजव्या खांद्यावर बेल्टद्वारे अडकवून काम करता येते. दुसऱ्या प्रकारातील ब्रश कटर हे पाठीवर घेऊन काम करता येते. ज्याप्रमाणे पाठीवरील फवारणी पंप अडकवला जातो त्याप्रमाणे हा ब्रश कटर फिक्स केला जातो. 

ब्रश कटर २ स्ट्रोक आणि ४ स्ट्रोक अशा दोन इंजिन मॉडेलमध्ये उपलब्ध आहे. 

ब्रश कटरमध्ये नायलॉन दोरीचा वापर करून शेतात वाढलेले गवत कापले जाते. 

Use of brush cutter to cut green crop.
सोयाबीनचे चुकीचे पीक कापणी प्रयोग थांबवा

कटरची उपयुक्तता वाढवण्यासाठी त्याला वेगवेगळे गोलाकार दातेरी ब्लेड लावण्याची सुविधा आहे. ब्लेडच्या प्रकारानुसार ब्रश कटरचा वेगवेगळा वापर केला जातो. 

गहू कापणी तसेच भात कापणी करण्यासाठी जास्त दातेरी ब्लेडचा वापर केला जातो. तसेच शेतातील, बांधावरील गवत जास्त वाढलेले असेल तर त्यासाठी २ ते ३ दातेरी ब्लेडचा वापर केला जातो. 

ब्रश कटर बरोबर २ ते ३ वेगवेगळी जोडणी यंत्र उपलब्ध असतात. त्यात दोन छोटे टिलर असतात. एका टिलरला ‘L’ आकाराचे ब्लेड असतात. दुसऱ्या टिलरला आडवे ब्लेड गोलाकार पद्धतीने जोडलेले असतात. या टिलरचा उपयोग मातीची वरवर मशागत करण्यासाठी आणि पिकातील तण मुळासकट काढण्यासाठी केला जातो.

कटरला चेन सॉ (करवत) जोडणी करता येते. तिचा उपयोग झाडाच्या अतिरिक्त वाढलेल्या फांद्या  काढण्यासाठी करता येतो. 

Use of brush cutter to cut green crop.
Paddy Harvesting : भात कापणी वेळवर होणे गरजेचे

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com