Rabi Jowar : रब्बी ज्वारीच्या भरघोस उत्पादनासाठी कोणते वाण निवडाल ?

रब्बी ज्वारीची लवकर पेरणी केल्यास खोडमाशीचा उपद्रव वाढतो तर उशिरा पेरणी केल्यास जमिनीतील ओलावा कमी झाल्यामुळे बियाणांची उगवण कमी होऊन ताटांची योग्य संख्या राखता येत नाही.
Rabi Jowar
Rabi JowarAgrowon

महाराष्ट्रात पश्‍चिम महाराष्ट्र आणि मराठवाडा या ठिकाणी रब्बी ज्वारीचे (Rabi Jowar) पीक मोठ्या प्रमाणावर घेतले जाते. पश्‍चिम महाराष्ट्रात खरीप ज्वारीची (Kharif Jowar) लागवड होत नाही. या उलट मराठवाड्यात (Marathwada) दोन्ही हंगामांत ज्वारीचे पीक घेतले जाते. लवकर पेरणी केल्यास खोडमाशीचा (Stemfly) उपद्रव वाढतो तर उशिरा पेरणी केल्यास जमिनीतील ओलावा कमी झाल्यामुळे बियाणांची उगवण कमी होऊन ताटांची योग्य संख्या राखता येत नाही. महात्मा फुले कृषी विद्यापीठाने रब्बी ज्वारीची पेरणी करताना  कोणत्या गोष्टी लक्षात घ्याव्यात याविषय़ी दिलेली माहिती पाहुया.  

Rabi Jowar
Rabi Jowar: रब्बी ज्वारीसाठी पीकेव्ही क्रांतीचा पर्याय

रब्बी ज्वारीची पेरणी मोठ्या प्रमाणात जिरायती क्षेत्रावर केली जाते.  मध्यम ते भारी जमिनीत ओल जास्त काळ टिकून राहत असल्याने अशा जमिनीत रब्बी ज्वारीची पेरणी करावी. जिरायती क्षेत्रावर जास्त उत्पादन येण्यासाठी योग्य वाणाची निवड जमिनीच्या खोलीनुसार करावी. १५ सप्टेंबर ते १५ ऑक्टोबर हा काळ रब्बी ज्वारीची कोरडवाहू क्षेत्रामध्ये पेरणी करण्यासाठी शिफारस केलेला आहे. 

Rabi Jowar
Rabi Intercropping : रब्बी हंगामासाठी कोणत्या आंतरपीक पद्धती फायदेशीर?

जमिनीच्या प्रकारानूसार वाणांची निवड महत्वाची

जमिनीच्या प्रकारानुसार सुधारित संकरित वाणाचा वापर करावा. हलक्या जमिनीसाठी फुले अनुराधा, फुले माऊली या वाणांची निवड करावी.

मध्यम जमिनीसाठी फुले सुचित्रा, फुले माऊली, फुले चित्रा, परभणी मोती आणि मालदांडी-३५-१ या वाणांची निवड करावी.

भारी जमिनीसाठी फुले वसुधा, फुले यशोदा, सीएसव्ही २२,  परभणी मोती आणि सीएसएच १५ या संकरित वाणांची निवड करावी. 

बागायती जमिनीसाठी फुले रेवती, फुले वसुधा, सी एस व्ही १८, सी एस एच १५ व १९ या वाणांची निवड करावी. 

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com