नाणार आंदोलकांवरील गुन्हे मागे

संग्रहित छायाचित्र
संग्रहित छायाचित्र

मुंबई  ः नाणार येथील हरित तेलशुद्धीकरण प्रकल्पाच्या विरोधात आंदोलन करणाऱ्या आंदोलकांवर दाखल करण्यात आलेले गुन्हे मागे घेण्याचे आदेश मुख्यमंत्री उद्धव ठाकरे यांनी सोमवारी दिले. या आदेशामुळे प्रकल्पाच्या विरोधात लढलेल्या आंदोलकांना मोठा दिलासा मिळाला आहे.

उद्धव ठाकरे यांनी मुख्यमंत्रिपदाची सूत्रे स्वीकारल्यापासून निर्णयांचा धडाका लावला आहे. दोन दिवसांपूर्वी श्री. ठाकरे यांनी आरेतील मेट्रो कारशेडच्या विरोधात आंदोलन करणाऱ्या आंदोलकांवरील गुन्हे मागे घेण्याचा निर्णय घेतला होता. या निर्णयाचे स्वागत होत असताना श्री. ठाकरे यांनी नाणार रिफायनरीच्या विरोधात आंदोलन करणाऱ्या आंदोलकांवर गुन्हे मागे घेण्याचे आदेश गृह खात्याला दिले.

रत्नागिरी जिल्ह्यातील प्रस्तावित नाणार हरित तेलशुद्धीकरण प्रकल्पाला स्थानिकांचा विरोध होता. मात्र, या विरोधाला न जुमानता तत्कालीन मुख्यमंत्री देवेंद्र फडणवीस यांनी लाखो कोटी रुपयांची गुंतवणूक असलेला प्रकल्प रेटला होता. शिवसेनेने स्थानिकांच्या बाजूने उभे राहत नाणार विरोधात आंदोलनात उडी घेतली. शिवसेनेचा विरोध लक्षात घेऊन श्री. फडणवीस यांनी लोकसभा निवडणुकीच्या तोंडावर नाणार प्रकल्प मागे घेतल्याचे जाहीर केले. याशिवाय मार्च २०१८ मध्ये त्यांनी आंदोलकांवरील गुन्हे मागे घेण्याचे आश्वासन संघर्ष समितीला दिले होते. मात्र, या आश्वासनाची अंमलबजावणी झाली नव्हती.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com