agrowon marathi agralekh on sugar prices and need to export | Agrowon

निर्यातीद्वारेच तरेल साखर उद्योग
विजय सुकळकर
गुरुवार, 12 एप्रिल 2018

साखरेच्या दरवाढीसाठी निर्यात वाढवावीच लागेल अन् निर्यातवाढीसाठी या उद्योगातील शिखरसंस्थांनी आपल्या सभासद कारखान्यांना योग्य ते मार्गदर्शन करायला हवे.

साखरेचे वाढलेले उत्पादन आणि देशांतर्गत तसेच जागतिक बाजारातही गडगडलेले दर यामुळे साखर कारखाने अडचणीत आहेत. अलीकडे साखरेचे निर्यात शुल्क हटवून २० लाख टन साखर निर्यातीला शासनाने परवानगी दिली आहे. मात्र, साखरेचा उत्पादन खर्च आणि जागतिक बाजारातील साखरेचे दर पाहता सध्यातरी निर्यात परवडणारी नाही, असे चित्र आहे. अशावेळी साखरेचे दर वाढणार कसे? हा लाखमोलाचा प्रश्न आहे. साखर उत्पादनाबाबत एकंदरीतच शासनाच्या चुकलेल्या अंदाजाने ही परिस्थिती उद्‍भवली हे मान्य करावेच लागेल. या हंगामात राज्यात ६३० लाख टन उसाचे गाळप होऊन ७२ लाख टन साखर उत्पादनाचा अंदाज होता. प्रत्यक्षात मात्र आजअखेर राज्यात ९२० लाख टन उसाचे गाळप होऊन १०३ लाख टन साखर उत्पादन झाले. देशपातळीवर २६० लाख टन साखर उत्पादनाचा अंदाज असताना प्रत्यक्षात ३०० लाख टनाच्या वर साखर उत्पादन जाण्याचे संकेत आहेत. मागील पावसाळ्यातील चांगला पाऊस, परतीच्या मॉन्सूनमुळे पाण्याची चांगली उपलब्धता झाल्याने ऊस लागवडीतील वाढीबरोबर प्रतिएकर उसाचा उतारादेखील (टनेज) वाढला आहे. ऊस उत्पादकांना कायद्याने एफआरपीप्रमाणे पैसे द्यावेच लागणार आहेत. परंतु त्याच वेळी साखरेचे दर मात्र ३६०० रुपये प्रतिक्विंटलवरून २८०० रुपयांवर आले आहेत. त्यामुळे एफआरपी देणेसुद्धा बहुतांश कारखान्यांना अशक्य आहे. 

साखरेचे दर वाढावेत आणि कारखान्यांना दिलासा मिळावा म्हणून २० लाख टन साखर निर्यात करण्याचा निर्णय झाला. जागतिक बाजारात भारतीय साखरेला मागणी नाही, दरही अत्यंत कमी अाहेत, त्यात कारखान्यापासून बंदरापर्यंत साखर पोचेपर्यंतच्या आणि बंदरावरील मर्यादा, पावसाळ्यातील निर्यातीसाठीच्या अडचणी हे सर्व पाहता नवीन हंगामापर्यंत ही निर्यात करणे मोठे दिव्यच आहे. अशा परिस्थितीमध्ये देशातून साखर निर्यात वाढविण्यासाठी थेट साखर निर्यातीला अनुदान देणे अपेक्षित होते. परंतु तसे न करता प्रतिटन ५५ रुपये अर्थसाह्य शेतकऱ्यांना देण्याच्या विचारात शासन आहे. असा निर्णय झाल्यास प्रतिटन ५५ रुपये शेतकऱ्यांना कमी देण्याची मुभा कारखान्यांना मिळेल. परंतु त्याचा निर्यातवृद्धी, साखर दरवाढ यासाठी फायदा होणार नाही. साखरेच्या दरवाढीसाठी निर्यात वाढवावीच लागेल अन् निर्यातवाढीसाठी या उद्योगातील शिखरसंस्थांनी सभासद कारखान्यांना योग्य ते मार्गदर्शन करायला हवे. कारखान्यांनीसुद्धा अनुदानात न अडकता साखर निर्यातीवर लक्ष केंद्रित करायला हवे, अन्यथा अडचणीत असलेल्या कारखान्यांचे शॉर्ट मार्जिन वाढेल. असे झाल्यास बॅंकांची देणी थकतील. पुढच्या वर्षी परत बॅंका कारखान्यांना लोन देणार नाहीत. त्यामुळे कारखाने सुरू होणार नाहीत. असे पुढच्या हंगामाचे विदारक चित्र आजच दिसते आहे.

यावर्षीचा हंगाम तर संपत आला आहे. पुढील वर्षी अजून ऊस उत्पादन आणि साखर उत्पादनही वाढणार आहे. त्यामुळे पुढील हंगामाचे नियोजन सुरवातीपासूनच करायला हवे. पुढच्या वर्षी साखरेचा मागील स्टॉक संपेपर्यंत सुरवातीला कच्ची साखर तयार करून ती निर्यात करायला हवी. तसेच उसाच्या रसापासून थेट इथेनॉलनिर्मितीलापण आत्ताच कारखान्यांना परवानगी दिली, तर कारखाने इथेनॉलनिर्मितीच्या नियोजनाला लागतील. असे केले तरच देशात ज्यादा पांढरी साखर उत्पादित होणार नाही आणि साखरेचे दरही चांगले राहतील.

इतर अॅग्रो विशेष
पावसाअभावी पेरण्या रखडल्यानांदेड ः नांदेड, परभणी, हिंगोली जिल्ह्यांत यंदा...
बाजारातील ‘वाळवी’सुमारे अडीच वर्षांपूर्वी सांगली येथे एक कोल्ड...
वऱ्हाडात पावसाने वाढवली खरिपाची चिंताअकोला ः या हंगामात जून महिन्याच्या दुसऱ्या...
नीलक्रांतीसाठी करूया तिलापिया संगोपन तिलापिया मासा आणि त्याच्या प्रजातींना संपूर्ण...
मराठवाड्यात पावसाअभावी पिके संकटातऔरंगाबाद : मराठवाड्यात १ जून ते १४ जुलैदरम्यान...
खरिपावर दुष्काळाचे सावट गडदपुणे ः कोकण आणि पश्चिम महाराष्ट्राचा काही भाग...
चोवीस जिल्ह्यांत कमी पाऊस पुणे : पूर्वमोसमी पावसाच्या सरींची वाणवा,...
उद्यापासून पावसाची शक्यतापुणे : जवळपास आठवडाभर उघडीप दिल्यानंतर राज्यात...
राज्यात पस्तीस हजार हेक्टर डाळिंब बागा...सांगली ः गेल्या वर्षी पडलेल्या दुष्काळामुळे...
देशात २४ राज्यांमध्ये पावसात तूटपुणे ः देशात यंदा मॉन्सून उशिरा दाखल झाला असून,...
चित्रकलेसह पूरक व्यवसायात भरले यशाचे...नगर जिल्ह्यात माका (ता. नेवासा) येथील सुरेश गुलगे...
बारामती कृषी उत्पन्न बाजार समितीची...बारामती कृषी उत्पन्न बाजार समितीने (जि. पुणे)...
युवा कृषी कौशल्य विकासासाठी सहकार्य करारपुणे ः आंतरराष्ट्रीय युवा कौशल्य दिनाचे औचित्य...
महाराष्ट्राला ‘स्किल कॅपिटल' बनवावेः...मुंबई ः महाराष्ट्र शासनाच्या छत्रपती राजाराम...
कोकण, घाटमाथ्यावर हलक्या सरींचा अंदाज पुणे ः  उत्तर भारतामध्ये असलेल्या कमी...
तीन हजार शेतकऱ्यांच्या मूल्यांकनाचा...कोल्हापूर ः कृषी कौशल्य विकास प्रशिक्षण पूर्ण...
सांगली जिल्ह्यातील द्राक्ष उत्पादकांचे...सांगली : जिल्ह्यातील एक हजारांवर द्राक्ष उत्पादक...
कर्जमाफीतील तक्रार निवारणासाठी समिती...पुणे ः छत्रपती शिवाजी महाराज शेतकरी सन्मान...
विविध तंत्रांच्या वापरातून प्रयोगशील...भोसी (जि. हिंगोली) येथील गोरखनाथ हाडोळे विविध...
उत्कृष्ठ व्यवस्थापनातून खरीप कांद्याचे...बुलडाणा जिल्ह्यातील डोणगाव येथील आखाडे कुटुंबाने...