agrowon news in marathi, 200 billion burden due to MSP hike, Maharashtra | Agrowon

हमीभाववाढीने २०० अब्ज रुपयांचा भार

वृत्तसेवा
गुरुवार, 19 जुलै 2018

हमीभावावाढीमुळे जो वित्तीय भार पडणार होता तो २०१८-१९ च्या अर्थसंकल्पात अन्नधान्य अनुदानाच्या स्वरुपात आधीच समायोजीत केला आहे. त्यामुळे नवीन भार सोसण्याची गरजच भासणार नाही.
- पीयूष गोयल, अर्थमंत्री    

नवी दिल्ली : केंद्र सरकारने खरिपातील १४ पिकांच्या हमीभावात मोठी वाढ केली आहे. त्यामुळे केंद्र सरकारला यासाठी मोठा खर्च करावा लागणार आहे. वाढलेल्या हमीभावामुळे अतिरिक्त भार पडला असून हमीभाव देण्यासाठी २०० अब्ज रुपयांची तरतूद करावी लागणार असल्याचे केंद्रीय अर्थमंत्रालयाने म्हटले आहे, अशी माहिती सूत्रांनी दिली. 

केंद्राने शेतकऱ्यांना दीडपट हमीभावाचे आश्वासन पूर्ण करताना २०१८-१९ च्या खरिपासाठी १४ पिकांमध्ये मोठी वाढ करून दीडपट हमीभाव दिल्याचे सांगितले. मात्र ही वाढ ए२+एफएल या खर्च सूत्रावर आधारित आहे. सी२ ही सर्वसमावेशक खर्च पद्धतीला बगल दिली. त्यामुळे शेतकरी, नेते अभ्यासकांनी सरकारचा हा मुद्दा खोडला. परंतु अर्थमंत्रालयाने या हमीभाववाढीमुळे तिजोरीवर अतिरिक्त भार पडणार असल्याचे सांगितले. ‘‘खरिपातील हमीभाववाढीमुळे २०१९मध्ये किमान २०० अब्ज रुपयांचा अतिरिक्त भार पडणार आहे, असे अंदाज आम्ही अंतर्गत पातळीवर काढला आहे. पिकांचे हमीभाव जाहीर करताना केंद्रीय गृहमंत्री राजनाथ सिंह यांनी यामुळे तिजोरीवर १५० अब्ज रुपयांचा भार पडणार असल्याचे सांगितले होते.
 
अर्थमंत्रालयाच्या सूत्रांच्या मते, हमीभावावाढीनंतर २०० अब्ज रुयांची होणारी वाढ ही गहू पिकाचा हमीभाव आणि खरेदीचा खर्च वगळता होणार आहे. तसेच हमीभावावाढीचा परिणाम केवळ याच वर्षात जाणवेल. 

कमी उत्पादन असणाऱ्या पिकांत मोठी वाढ
२०१८-१९ चा अर्थसंकल्प सादर करतना अरुण जेटली यांनी, देशातील शेतकऱ्यांना सर्व पिकांसाठी उत्पादन खर्चावर दीडपट हमीभाव सरकार देणार असल्याचे सांगितले होते. परंतु देशात सर्वाधिक घेतल्या जाणाऱ्या भात पिकात केवळ १२ ते १३ टक्के वाढ केली आहे. कापसात गुणत्तेनुसार २६ ते २८ टक्के वाढ केली आहे. तर ज्या पिकांचे कमी उत्पादन होते, अशा रागीमध्ये ५२ टक्के तर कराळ्यात ४५ टक्के आणि ज्वारीमध्ये ४२ टक्के वाढ करण्यात आली आहे.   

वित्तीय तुटीवर परिणाम नाही
सरकारने म्हटले आहे, की पिकांच्या हमीभाव वाढीमुळे २०१८-१९ च्या वित्तीय तुटीवर काहीच परिणाम होणार नाही. वेगवेगळ्या संस्था आणि विश्लेषकांना वित्तीय तूट वाढणार असल्याचे सांगितले होते. परंतु वित्तीय तूट विकास दराच्या ३.३ टक्के ठेवण्याचे सरकारचे उद्दिष्ट पूर्ण होणार नाही. भावावाढीवर किंचित परिणाम होऊ शकतो. 

 


इतर अॅग्रो विशेष
शेतकरी सक्षमीकरण हेच असावे धोरण यावर्षी पावसाळा वेळेवर सुरू झाला. बेताबेताने...
अवजारे, अनुदान अन् अनागोंदीअवजारे अनुदानाच्या योजना आणि त्यातील अनागोंदींचे...
कोकण, मध्य महाराष्ट्रात अनेक ठिकाणी...पुणे ः मध्य महाराष्ट्रातील नगर, पुणे, सातारा,...
निम्म्या महाराष्ट्रातून मॉन्सूनची माघार पुणे : परतीच्या मॉन्सूनने गेल्या आठवड्यापासून...
‘जाॅइंट अॅग्रेस्को’ आजपासून अकोला ः डॉ. पंजाबराव देशमुख कृषी विद्यापीठ व...
निकृष्ट सोयाबीन बियाणे प्रकरणी ...अकोला ः खरीप हंगामात सोयाबीन बियाणे उगवले...
कांदा दरात एक हजारापर्यंत घसरण, शेतकरी...नाशिक: कांद्याच्या वाढत्या दरावर नियंत्रण...
पावसाने सोयाबीनचे आगार उद्ध्वस्त वाशीमः वेळ दुपारची...काही भागात ऊन होते...काही...
प्रदूषणावर तोडग्यासाठी लवकरच कायदा :...नवी दिल्ली : शेतातील काडीकचरा जाळण्याचे प्रकार...
राज्यात १०८ कोटी लिटर इथेनॉल निर्मितीचे...पुणे: राज्यात यंदा जास्त ऊस उत्पादनाची शक्यता...
शरद पवार यांच्या उपस्थितीत ऊसतोडणी...नगर ः ऊसतोडणी मजुरांच्या प्रश्‍नावर तोडगा...
बारकाईने जाणून घ्या शेतकरी अपघात विमा...राज्य शासनाकडून सुरू करण्यात आलेली गोपीनाथ मुंडे...
पिंपळगावला आडत्याकडून शेतकऱ्याला मारहाण नाशिक: निफाड तालुक्यातील कारसूळ येथील शेतकरी...
अवजारे अनुदानाचे निकष वाढवलेपुणे : राज्यात कृषी अवजारे अनुदानासाठी...
तुरळक ठिकाणी पावसाची शक्यता पुणे ः कोकण व मध्य महाराष्ट्रात तुरळक ठिकाणी हलका...
बदल्या, मारहाण, लाचखोरीने गाजतेय राहुरी...पुणे: महात्मा फुले कृषी विद्यापीठाच्या आवारात...
मॉन्सूनच्या माघारीस पोषक वातावरण पुणे : मॉन्सून दोन दिवसांत उत्तर महाराष्ट्र व...
काही ठिकाणी जोरदार सरीपुणे ः राज्यातील काही भागांत पावसाचा जोर कमी झाला...
व्यापाऱ्यांवरील कांदा साठा...पुणे/नाशिक: पुरवठा कमी असल्याने देशभरात कांद्याची...
पावसानं पांढऱ्या सोन्याची झाली माती !औरंगाबाद: यंदा पाऊस चांगला सांगितल्याने शेतीच्या...