agrowon news in marathi, 700 crore rupees pending of crop insurance, Maharashtra | Agrowon

पीकविम्याचे ७०० कोटी अजूनही देणे बाकी
टीम अॅग्रोवन
शुक्रवार, 15 जून 2018

मुंबई: पंतप्रधान पीकविमा योजनेअंतर्गत २०१७ च्या खरीप हंगामातील २,२६९ कोटींच्या नुकसानभरपाईपैकी १,६०० कोटी रुपये सोमवारअखेर (ता. १२) शेतकऱ्यांच्या खात्यात जमा झाले असल्याचा दावा राज्य सरकारकडून करण्यात आला आहे. मुख्यमंत्री देवेंद्र फडणवीस यांनी पीकविम्याची रक्कम सात जून पूर्वी शेतकऱ्यांच्या खात्यात जमा करण्याचे आदेश देऊनही अद्यापही सातशे कोटी रुपये वितरित झालेले नाहीत.  

मुंबई: पंतप्रधान पीकविमा योजनेअंतर्गत २०१७ च्या खरीप हंगामातील २,२६९ कोटींच्या नुकसानभरपाईपैकी १,६०० कोटी रुपये सोमवारअखेर (ता. १२) शेतकऱ्यांच्या खात्यात जमा झाले असल्याचा दावा राज्य सरकारकडून करण्यात आला आहे. मुख्यमंत्री देवेंद्र फडणवीस यांनी पीकविम्याची रक्कम सात जून पूर्वी शेतकऱ्यांच्या खात्यात जमा करण्याचे आदेश देऊनही अद्यापही सातशे कोटी रुपये वितरित झालेले नाहीत.  

पंतप्रधान पीकविमा योजनेअंतर्गत गेल्यावर्षी खरिपात सुमारे ८१ लाख शेतकऱ्यांनी विमा उतरवला होता. सुमारे ३,४०० कोटी रुपयांचा विमा हप्ता कंपन्यांकडे जमा झाला होता. हंगामातील नुकसानीपोटी शेतकऱ्यांना २,२६९ कोटींची भरपाई मंजूर झाली आहे. सुमारे ४५ लाख शेतकऱ्यांना पीक विम्याचा लाभ मिळणार आहे. गेल्यावर्षी जुलै महिन्यात मराठवाड्यासह राज्याच्या काही भागांत पावसाने मोठी दडी मारली होती. सुमारे ४८ दिवस पाऊस पडला नाही. परिणामी, या भागात शेतीपिकांचे मोठे नुकसान झाले. त्याचमुळे योजनेअंतर्गत मराठवाड्यातील शेतकऱ्यांना सर्वाधिक १,४४० कोटी रुपयांची नुकसानभरपाई मंजूर झाली आहे.  

पाठोपाठ अमरावती विभागासाठी ४५१ कोटी रुपयांची भरपाई मिळणार आहे. मात्र, विमाधारक शेतकऱ्यांची माहिती पीकविमा कंपन्यांच्या माहितीशी जुळत नसल्याच्या कारणावरून हे वाटप रखडले होते. मेअखेर अवघे सात टक्के म्हणजेच १६५ कोटी रुपयेच वितरित झाले होते. 

या पार्श्वभूमीवर मुख्यमंत्री श्री. फडणवीस यांनी विमा कंपन्यांनी ७ जून पूर्वी पीकविमा रक्कम जमा करावी असे निर्देश दिले होते. ज्या विमा कंपन्यांची कामगिरी समाधानकारक नाही त्यांनी खरीप हंगाम सुरू होण्यापूर्वी शेतकऱ्यांना रक्कम मिळेल यासाठी तत्परता दाखवावी. विमा कंपन्यांनी क्षेत्रिय स्तरावर अधिक गतीने काम होण्यासाठी मनुष्यबळदेखील वाढवावे. ज्या खातेधारक शेतकऱ्यांची माहिती पडताळणी होत नाही अशा वेळी विमा कंपन्यांनी या खातेदारांची रक्कम संबंधित बॅंकेकडे जमा करावी, असे निर्देश केंद्र शासनाने देखील यापूर्वीच दिले आहेत. त्याची अमंलबजावणी व्हावी, असेही मुख्यमंत्र्यांनी सांगितले होते.

तरीही २,२६९ कोटींपैकी १,६०० कोटी रुपये शेतकऱ्यांच्या खात्यांवर जमा केल्याचे कृषीतील उच्चपदस्थांनी स्पष्ट केले. उर्वरित सातशे कोटी रुपयांचे वितरण अजूनही झालेले नाही. सुमारे २० लाख शेतकरी अजूनही विम्याच्या भरपाईपासून वंचित असल्याचे समजते. गेल्यावर्षी पाच विमा कंपन्यांनी योजनेत सहभाग घेतला होता. रिलायन्स ही एकच खासगी कंपनी तर उर्वरित चार शासकीय मालकीच्या कंपन्यांचा सहभाग होता. रिलायन्सने त्यांच्याकडील बहुतांश क्लेम्सची भरपाई शेतकऱ्यांना अदा केली आहे. मात्र, शासकीय विमा कंपन्यांकडूनच भरपाईचे वाटप रखडले होते. त्यावरूनही मुख्यमंत्र्यांनी तीव्र नाराजी व्यक्त केली होती. त्यामुळे यावर्षी या शासकीय विमा कंपन्यांना योजनेतून वगळण्यात आल्याचे सांगण्यात आले.

विभागनिहाय मंजूर नुकसानभरपाई 
कोकण : २ कोटी ७० लाख रुपये, नाशिक : ५० कोटी ८० लाख, पुणे : १४६ कोटी, औरंगाबाद : १,४४० कोटी, अमरावती : ४५१ कोटी आणि नागपूर : ७७ कोटी.
 

इतर अॅग्रो विशेष
देशात २४ राज्यांमध्ये पावसात तूटपुणे ः देशात यंदा मॉन्सून उशिरा दाखल झाला असून,...
चित्रकलेसह पूरक व्यवसायात भरले यशाचे...नगर जिल्ह्यात माका (ता. नेवासा) येथील सुरेश गुलगे...
बारामती कृषी उत्पन्न बाजार समितीची...बारामती कृषी उत्पन्न बाजार समितीने (जि. पुणे)...
युवा कृषी कौशल्य विकासासाठी सहकार्य करारपुणे ः आंतरराष्ट्रीय युवा कौशल्य दिनाचे औचित्य...
महाराष्ट्राला ‘स्किल कॅपिटल' बनवावेः...मुंबई ः महाराष्ट्र शासनाच्या छत्रपती राजाराम...
कोकण, घाटमाथ्यावर हलक्या सरींचा अंदाज पुणे ः  उत्तर भारतामध्ये असलेल्या कमी...
तीन हजार शेतकऱ्यांच्या मूल्यांकनाचा...कोल्हापूर ः कृषी कौशल्य विकास प्रशिक्षण पूर्ण...
सांगली जिल्ह्यातील द्राक्ष उत्पादकांचे...सांगली : जिल्ह्यातील एक हजारांवर द्राक्ष उत्पादक...
कर्जमाफीतील तक्रार निवारणासाठी समिती...पुणे ः छत्रपती शिवाजी महाराज शेतकरी सन्मान...
विविध तंत्रांच्या वापरातून प्रयोगशील...भोसी (जि. हिंगोली) येथील गोरखनाथ हाडोळे विविध...
उत्कृष्ठ व्यवस्थापनातून खरीप कांद्याचे...बुलडाणा जिल्ह्यातील डोणगाव येथील आखाडे कुटुंबाने...
‘पक्षाघाता’च्या साथीत कायदा बासनात"व्हेन मेन आर प्युअर लॉज आर युजलेस. व्हेन मेन आर...
चिंता वाढविणारी उघडीपराज्यात मॉन्सूनच्या पावसाचा काहीसा जोर कमी झाला...
ऊन-सावल्यांच्या खेळात पावसाची दडी;...पुणे : मॉन्सून सक्रिय नसल्याने राज्याच्या बहुतांश...
पीकविम्यासाठी आतापर्यंत साडेतीन लाख...पुणे  : पंतप्रधान पीकविमा योजनेसाठी चालू...
कमी खर्चात वाइननिर्मितीचे तंत्र विकसित...पुणे : महाराष्ट्र विज्ञान वर्धिनीच्या आघारकर...
शेंगासोबतच शेवग्याची पावडर ठरतेय...संपूर्ण २० एकर क्षेत्रांमध्ये शेवगा लागवडीचा...
मराठवाड्यात दुष्काळाची धग कायमऔरंगाबाद : पावसाळा सुरू होऊन महिना उलटला,...
मराठा उमेदवारांच्या खुल्या प्रवर्गातील...मुंबईः मराठा आरक्षणाला स्थगिती असताना खुल्या...
मराठवाड्यात ४८ टक्‍के पेरणी; पिके...औरंगाबाद : मराठवाड्यातील खरिपाच्या ४९ लाख ९६...