agrowon news in marathi, china depend on Indian cotton, Maharashtra | Agrowon

चीनची भिस्त भारतीय कापसावरच

चंद्रकांत जाधव
शुक्रवार, 15 जून 2018

रुईच्या तुडवड्याचे संकट सूत गिरण्यांसमोर आहे. सूताचे दर वाढले आहेत. सोबतच रुईदेखील महागली आहे. निर्यात व आयात खुली आहे. पुढे चीनला गाठींची मोठ्या प्रमाणात गरज भासेल. कारण, चीनमध्ये उत्पादन ३५० लाख गाठी येईल. त्यांची गरज किमान ५०० लाख गाठींची आहे. भारतीय रुई जगात सर्वांत स्वस्त आहे. तिची निर्यात पुढील हंगामातही जोमातच होईल. 
- दीपकभाई पाटील, अध्यक्ष, लोकनायक जयप्रकाश नारायण सहकारी सूतगिरणी, शहादा, जि. नंदुरबार

जळगाव ः डॉरलचे वधारते दर, चीनमधील गाठींच्या बफर स्टॉक (संरक्षित साठा) मध्ये झालेली मोठी घट आदी कारणांमुळे भारतीय कापसाची निर्यात आगामी हंगामात मोठ्या प्रमाणात वाढून मागील सर्व विक्रम मोडील. देशातून चीनसह इतर देशांमध्ये सुमारे एक कोटी किंवा त्यापेक्षा अधिक गाठींची निर्यात होईल. याच वेळी भारतात आगामी हंगामात कापूस उत्पादन सरत्या हंगामाच्या तुलनेत घटून ते ३४८ लाख गाठींपर्यंत खाली येणार आहे. 

उत्पादनातील घटीचा प्रश्‍न आगामी हंगामातही कायम राहणार असतानाच रुपयाचे अवमूल्यन व वधारता डॉलर यांमुळे भारतीय कापूस आयातदारांना परवडणारा ठरत आहे. भारतात कापूस आयात महागडी ठरत असून, भारतीय खंडी (३५६ किलो रुई) परदेशी आयातदारांना सद्यःस्थितीत ४६००० ते ४६५०० दरात पडत आहे. तर भारतीय व इतर आयातदारांना ऑस्ट्रेलिया, अमेरिकेची खंडी ५८००० ते ५९००० रुपयांना पडत आहे.

चीन व अमेरिकेतील व्यापार युद्धामुळे चीनला आपला संरक्षित साठा (बफर) वाढविण्यासाठी भारताच्या दाराशी पुढेही यावे लागेल. चीन आगामी हंगामात ११७ लाख गाठींची आयात करणार आहे. 

चीनने सूत आयातीवर मध्यंतरी भर दिला. परंतु, भारतीय व बांगलादेशी सूतगिरण्यांसमोर रुईच्या तुटवड्याचे संकट पुढील काही महिन्यांत उभे ठाकणार आहे. सूताचे दरही दणकले आहेत. चीनने आपल्या कापूस व्यापार धोरणात आयातीसंबंधीची भूमिका स्पष्ट केली आहे. चीनकडे ४०० लाख गाठींचा साठा होता. तो आजघडीला फक्त २० टक्केच शिल्लक आहे.

चीनमध्ये सूताचे उत्पादन कमी होऊन कापड व्यापारावर परिणाम होण्याची शक्‍यता आहे. ही बाब लक्षात घेता चीनने आतापासूनच गाठींची आयात वाढविली आहे. पण पुरेसा कापूस किंवा गाठींची समस्या चीनला सतावू लागली आहे. याच वेळी चीनचा सूत निर्मितीचा व्यवसाय बांगलादेशातही आहे. 

सोबतच बांगलादेश सूत उत्पादनात अग्रेसर ठरत असून, बांगलादेशलाही आगामी हंगामात किमान ६० लाख गाठींची गरज भासणार आहे. बांगलादेशला भारतातून कापूस आयात टॅक्‍स फ्री असल्याने बांगलादेशने भारतातून सुमारे ५५ लाख गाठींची आयात सरत्या हंगामात केली आहे. पुढे चीनसह बांगलादेशकडून भारतीय कापसाला मोठी मागणी राहणार असून, यामुळे कापूस निर्यात किमान एक कोटी गाठींपर्यंत जाईल व मागील सर्व विक्रम मोडीत काढेल, असे कॉटन असोसिएशन ऑफ इंडियाचे सदस्य अनिल सोमाणी म्हणाले. 

आगामी हंगामातील ताळेबंद (एक गाठ 170 किलो रुई)
देशातील कापूस लागवड
110 ते 113 लाख हेक्‍टर

आगामी हंगामासंबंधी गाठींचा शिलकी साठा
15 ते 18 लाख गाठी

देशांतर्गत उत्पादन
346 ते 348 लाख गाठी

देशांगर्तत सूतगिरण्यांची गरज
320 लाख गाठी

देशातील लघू वस्त्रोद्योगांची गरज (एसएसआय)
किमान 30 लाख गाठी

देशातील मिलांव्यतिरिक्त असलेली गाठींची गरज
15 लाख गाठी

आगामी हंगामातील अपेक्षित निर्यात
एक कोटी गाठी


इतर अॅग्रो विशेष
सांगली जिल्ह्यातून डाळिंब निर्यातीसाठी...सांगली ः जिल्ह्यातून गतवर्षी ८०० टन डाळिंबाची...
‘व्हीएसआय’ची आंतरराष्ट्रीय साखर परिषद...पुणे: वसंतदादा साखर संस्थेच्या वतीने आयोजित...
धोरणात्मक निर्णय, सिंचनाच्या सुविधेमुळे...नवी दिल्ली: धोरणात्मक निर्णय आणि पुढाकार;...
इथेनॉल प्रकल्पासाठी ३६ कारखान्यांनाच...नवी दिल्ली: पेट्रोलमध्ये १० टक्के इथेनॉल...
मोहाडीची मिरची निघाली दुबईलाभंडारा ः शेतकरी उत्पादक कंपनीच्या पुढाकारातून...
खाद्यतेल आयात शुल्क घटविण्याचा प्रस्ताव...पुणे : काही दिवसांपूर्वी केंद्र सरकार खाद्यतेल...
‘माफसू’ला मिळाले `केव्हीके`नागपूर ः पशू व मत्स्य विज्ञानाचा प्रसार प्रचार...
गोंदिया, नागपूर, वर्धा येथे पावसाची...पुणे: राज्यात पावसाला पोषक हवामान होत आहे....
फेब्रुवारीअखेरपासून कर्जमाफीची रक्कम...पुणे : महात्मा फुले कर्जमाफी योजनेत दोन...
`व्हिएसआय`च्या ऊस प्रक्षेत्रांना दोन...पुणे : वसंतदादा शुगर इन्स्टिट्यूटच्या (व्हीएसआय)...
सौर पंप तंत्राद्वारे फुलतेय तेवीस...डोर्ले (ता. जि. रत्नागिरी) येथील अजय तेंडूलकर...
व्यवसाय स्वातंत्र्यावर गदा नकोचशेतकरीविरोधी कायदे रद्द करण्याबाबतची एक चळवळ...
क्रयशक्ती वाढविणारा हवा अर्थसंकल्पकेंद्रीय अर्थमंत्री निर्मला सीतारामण १ फेब्रुवारी...
कमी फॅटचे दुध पिल्यास म्हतारपण कमी होतं...कमी फॅट(मेद)युक्त दुधाचा आहारामध्ये वापर केल्यास...
विदर्भ, कोकणात आज हलक्या पावसाचा अंदाज पुणे : उत्तरेकडील थंड वाऱ्यांअभावी राज्यात थंडी...
नाशिक जिल्ह्यातील द्राक्ष निर्यातीत ५७...नाशिक : राज्यातून होणाऱ्या द्राक्ष निर्यातीत...
दूध उत्पादक महत्त्वाचा दुवा: हरिभाऊ...औरंगाबाद : जिल्हा दूध संघाच्या एकूणच...
अर्जेंटिनाला होणार आंबा निर्यात पुणे : कोकणातील हापूस आणि मराठवाड्यातील केशर...
गावरान अळूची फायदेशीर व्यावसायिक शेतीसुमारे पंधरा गुंठ्यांत देशी गावरान अळूची शेती...
व्यवस्थापनाला मार्केटिंगची जोड देत...पॅालिहाउसमधील फूलशेतीसाठी एकेकाळी प्रसिद्ध असलेले...