देशात ६५ लाख हेक्टरवर खरिपाची पेरणी

पेरणी
पेरणी

नवी दिल्ली ः भारतामध्ये खरीप हंगामातील पेरणीला प्रारंभ झाला असून, आतापर्यंत ६५.५ लाख हेक्टरवर लागवड झाली होती. लागवड क्षेत्रात मागील वर्षीच्या तुलनेत यंदा घट झाली आहे. मागील वर्षी सद्यस्थितीत ६९.८ लाख हेक्टर क्षेत्रावर पेरणी झाली होती, अशी माहिती कृषी मंत्रालयाने दिली आहे. मागील रब्बी हंगामामध्ये देशाच्या उत्तर आणि पूर्वेच्या काही भागांमध्ये अवकाळी पाऊस झाल्याने मळणीसाठी उशीर झाला होता. त्यामुळे यंदाच्या खरीप पेरणीत घट झाली अाहे. अन्नधान्य लागवडीत भात हे मुख्य पीक असून यंदा १ लाख ५२ हजारहून अधिक हेक्टर क्षेत्रावर त्याची लागवड झाली अाहे. मात्र, मागील वर्षी २ लाख १७ हजार हेक्टर लागवड क्षेत्रावर त्याची लागवड होती. मागील वर्षीच्या तुलनेत यंदा डाळींच्या लागवडीत मोठी घट झाली अाहे. १ लाख १५ हजार हेक्टर क्षेत्रावरून ६१ हजार हेक्टर क्षेत्र एवढ्या कमी क्षेत्रावर डाळींची लागवड झाली अाहे.  तेलबियांची एकूण लागवड ३७ हजार हेक्टर क्षेत्रावर झाली असून मागील वर्षी सद्यस्थितीत झालेल्या ४१ हजार हेक्टर क्षेत्रावरून ही घसरण झाली आहे. मका हे पीक ही खरिपात प्रामुख्याने घेतले जाते. मका लागवड २० हजार हेक्टर क्षेत्रावर झाले असून मागील वर्षी या काळात २५ हजार हेक्टर इतक्या क्षेत्रावर लागवड झाली होती. असे लागवडीखालील क्षेत्र असून सामान्य मॉन्सूनच्या अंदाजानुसार यंदा लागवडीखालील क्षेत्रामध्ये वाढ होणार असल्याचे हवामान शास्त्र विभागाकडून सांगितले.   बहुतांश खरीप पिके मॉन्सूनच्या पावसावर अवलंबून असतात. नैऋत्य मॉन्सून भारताच्या समुद्रकाठावर सुमारे २९ मे रोजी धडकणार आहे. तर सामान्यपणे दोन दिवस उशीर होऊ शकतो, असे भारतीय हवामानशास्त्र विभागाने सांगितले. मागील वर्षीच्या तुलनेत यंदा झालेली लागवड (हेक्टरमध्ये)  

पीक  २०१८-१९ २०१७-१८
भात १,५२,००० २,१७,०००
तूर  ५,००० ७००० 
उडीद   १४,००० ३३,०००
कडध्यान्य २६,०००  ४८,०००
ज्वारी १५,००० २५,०००
बाजरी   १,००० १,०००
मका    २०,०००  २५,०००
भुईमूग १०,००० १०,०००
सूर्यफूल  ९,००० ९,०००
तीळ  १७,००० २२,०००
ऊस    ४८,६७,०००  ४७,८८,०००
कापूस   ७,८२,००० ११,२४,०००

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com