agrowon news in marathi, lottery system for beneficiary celection, Maharashtra | Agrowon

लाभार्थी निवडीसाठी ग्रामसभेत सोडत
टीम अॅग्रोवन
सोमवार, 23 जुलै 2018

मला दोन गायींची सोडत लागली आहे. असे पहिल्यांदाच झाले आहे. या पद्धतीत सारे गाव खूष आहे. नेहमीसाठी ही पद्धत खूपच चांगली आहे.
- राजू साळवे, लाभार्थी, चिंचविहिरे

राहुरी, जि. नगर : चिंचविहिरे येथे कृषी विभागाच्या कोरडवाहू क्षेत्र विकास योजनेच्या लाभार्थ्यांची निवड ग्रामसभेत सोडत पद्धतीने पारदर्शीपणे झाली. गावपातळीवर लाभार्थी निवडीसाठी ही पद्धत राबविणारे चिंचविहिरे  पहिले गाव ठरले आहे. लाभार्थी निवडीसाठीतील अनियमितता टाळण्यासाठी ही पद्धती सर्वत्र वापरण्याची गरज व्यक्त केली जात आहे.

ग्रामसभेत राष्ट्रीय शाश्वत शेती अभियानांतर्गत पाच योजनांसाठी लाभार्थी निवड झाली. अनेकदा राजकीय दडपण, भ्रष्टाचार, अधिकाऱ्यांची मनमानी अशा अनेक त्रुटींचा प्रभाव लाभार्थी निवड पद्धतीत आढळतो. खरे गरजू लाभार्थी वंचित राहतात; तर अनेकदा ठराविक तेच तेच लाभार्थी असतात. त्यामुळे अधिकाऱ्यांनाही अनेक अडचणींचा सामना करावा लागतो. यातील अनेक त्रुटींवर रामबाण उपाय म्हणून ग्रामसभेत सोडत पद्धतीने लाभार्थी निवड करण्याचा पर्याय कृषी सहायक रायभान गायकवाड यांनी मांडला. सोडत पद्धतीच्या पूर्वतयारीसाठी विशेष ग्रामसभा झाली. त्यात त्यांनी ही सर्व योजना, निकष सांगितले. सर्वांना ही पद्धत पसंत पडली.
सरपंच वृषाली पानसंबळ अध्यक्षस्थानी होत्या.

संकरित गाय वाटपसाठी ८० चिठ्ठ्यांतून पहिले २५ लाभार्थी व नंतरच्या लाभार्थीचा क्रम निश्चिती झाली. त्यांना प्रत्येकी ४० हजार अनुदान मिळेल. शेळी व कुक्कुटपालनाचे ५० चिठ्ठ्यांतून पहिले चाळीस लाभार्थी व नंतर पुढील क्रमनिश्चिती झाली. एकूण दहा लाख अनुदान मिळेल. मत्स्यशेतीचे १५ पैकी दहा लाभार्थी व पुढील क्रम निश्चिती झाली. प्रत्येकी एक लाखप्रमाणे दहा लाख अनुदान मिळेल. मूरघासाच्या प्रकल्पास प्रत्येकी सव्वा लाख अनुदान मिळेल. दहा चिठ्ठ्यातून पाच लाभार्थी निवड झाली. पॅक हाऊसच्या दोन लाख अनुदानासाठी तीन अर्जाच्या चिठ्ठीतून एकाची निवड झाली. एकूण १५८ चिठ्ठीतून ५४ लाभार्थी निवड झाली. त्यांना एकूण २९ लाख अनुदान मिळेल.

मंडळ कृषी अधिकारी विक्रम वाघमोडे, शांताबाई गिते, दगडू गिते, ग्रामपंचायत सदस्य राजू नालकर, उपसरपंच संतोष पवार, तलाठी वाय. डी. शेख, पर्यवेक्षक बी. एल. ढगे, पोलिस पाटील हिराबाई नरवडे, सुधीर झांबरे आदी या वेळी हजर होते. मोठ्या संख्येने ग्रामस्थ हजर होते.

 

इतर अॅग्रो विशेष
कोल्हापूरच्या घाटमाथ्यावर अतिवृष्टीचा...पुणे : कोकण, घाटमाथा, मध्य महाराष्ट्राच्या पश्‍...
विविधरंगी फुले, फीलर्सला गणेशोत्सवात...फुलांना वर्षभर मागणी राहते. मात्र, वर्षांतील काही...
एकरी सात टन भाताचे विक्रमी उत्पादनरत्नागिरी जिल्ह्यातील रीळ येथील मिलिंद वैद्य...
लष्करी अळीमुळे येतेय दूध व्यवसायावर संकटनगर ः मक्यावर आलेल्या अमेरिकन लष्करी अळीच्या...
मराठवाडा वॉटर ग्रिडची अंमलबजावणी...परभणी: मराठवाडा वॉटर ग्रिडची अंमलबजावणी व्यापक...
शेतकऱ्यांमध्ये केलेल्या जनजागृतीतून...बुलडाणा  ः कृषी विभागाने लष्करी अळीच्या...
पिंपळगाव बसवंत बाजार समितीत होणार...नाशिक: बाजार समितीचे कार्यक्षेत्र निफाड...
लष्करी अळीची शेतकऱ्यांमध्ये धास्तीरुईखेड मायंबा, जि. बुलडाणा ः ‘‘अमेरिकन लष्करी...
फवारणी केलेला मका चाऱ्यात वापरू नका:...पुणे (प्रतिनिधी)ः  राज्यात सध्या मक्यावर...
लष्करी अळीमुळे डेअरी, पोल्ट्रीला १३००...पुणे : राज्यातील डेअरी व पोल्ट्री उद्योगासाठी...
बाजार समित्यांतील रोख व्यवहारांवरील...नवी दिल्ली ः रोखीच्या व्यवहारांवर नियंत्रण आणून...
अन्नद्रव्यांचा वापर हवा संतुलितचशेतकऱ्यांनी माती आणि पाणी परिक्षणाबरोबरच...
मराठवाडा वॉटर ग्रिडचा संशयकल्लोळ! चिमणीचा खोपा ते राजवाडा, असे निवाऱ्याचे अनेक...
‘एफएमओ’चा सह्याद्री फार्म्सला १२०...नाशिक : शेतकरी उत्पादक कंपन्यांनी स्वतःच्या...
लष्करी अळीच्या नुकसानीचे पंचनामे का...औरंगाबाद : ‘‘शेती तोट्यात गेली, गावचं अर्थकारण...
जायकवाडी धरणातून पाण्याचा विसर्गजायकवाडी, जि. औरंगाबाद : जायकवाडी धरणामधून...
थकबाकीदार सूतगिरणीच्या संचालकांवर राज्य...मुंबई: कोट्यवधींचे कर्ज थकवल्याप्रकरणी राज्य...
रेशीम विभागाचा सुधारित आकृतीबंध...जालना: झपाट्याने वाढत असलेल्या रेशीम उद्योग व...
अमेरिकन लष्करी अळीकडून ४० टक्के मका फस्तपुणे: राज्यात मका पिकावर अमेरिकन लष्करी अळीचे...
लष्करी अळी आटोक्यात: कृषी विभागपुणे : राज्यात दोन लाख ६७ हजार हेक्टर क्षेत्रातील...